Tags-Zulf

allāh-re us zulf ke jāñ-baḳhsh añdhere
jaise ki mahakte hue zulmāt kā aalam

de diyā kījiye saudā.ī tumhārā huuñ miyāñ
sūñghne ko jo kabhī zulf-e-pareshāñ māñgūñ

saath huuñ tere ai ġham-e-daurāñ
zulf-e-jānāñ agarche barham hai

na jiyā terī chashm kā maarā
na tirī zulf kā bañdhā chhūTā

tirī zulf zunnār kā taar hai
ki jis taar meñ dil giraftār hai

zulf juuñ mār-e-siyah qad jo daraḳht-e-chandan
aaj dekh aa.e haiñ is taur se ham chāroñ ek

tumhārī zulf ke charche pareshāniyoñ meñ rahte haiñ
mirī dīvāngī ke zikr dīvānoñ meñ rahte haiñ

dhuup hālāt kī ho tez to aur kyā māñgo
kisī dāman kī havā zulf kā saaya māñgo

umañD rahī haiñ ghaTā.eñ ki zulf barham hai
chhalak rahā hai jo ḳhum hai ki aañkh pur-nam hai

aaj ye zulf-e-pareshāñ hai zamāne ke liye
kal yahī daur kisī taur sañvar jā.egā

gustāḳhī-e-visāl hai mashshāta-e-niyāz
ya.anī duā ba-juz ḳham-e-zulf-e-dotā na maañg

dām-e-ḳhayāl-e-zulf-e-butāñ se chhuḌā liyā
kyā baal baal mujh ko ḳhudā ne bachā liyā

ruḳh-e-teġh se jo na ho kabhī sahar aisī koī nahīñ mirī
nahīñ aisī ek bhī shaam jo tah-e-zulf-e-dār basar na ho

mirā ye dil ki jise koī pech-o-tāb nahīñ
tirī ye zulf jise pech-o-ḳham ziyāda hai

vo zulf zulf raat kyuuñ bikhar bikhar ke rah ga.ī
vo ḳhvāb ḳhvāb silsila bahāl kyuuñ nahīñ rahā

sayyād dām-e-zulf se mujh ko rihā kare
vo din tamām umr na aa.e ḳhudā kare

kis ko jur.at thī jo kartā terī ārā.ish-girī
sūrat-e-shamshād to ḳhud zulf thā ḳhush shāna thā

hazāroñ zulf-e-parī-vash ke yaañ the saudā.ī
hazāroñ mai-kash-o-mai-ḳhvār-o-mast-o-sahbā.ī

kyā rañg terī zulf kī bū ne uḌā diyā
kāfūr ho ke mushk ḳhutan se nikal gayā

kahā ye tā.ir-e-dil ne ulajh kar zulf-e-pur-ḳham meñ
phañsāyā kis ne mujh ko aur ye kirdār kis ke haiñ