Tags-Zulf

zulf-e-zholīda to zebā.ish-e-ruḳhsār huī
mas.ala saarā faqat ik tire shāne se uThā

kisī ek silsila-e-vafā kī matā.a zulf-e-dotā nahīñ
koī pech-o-tāb-e-havā mile ki vo zulf tā-ba-kamar ga.ī

sabā mū-e-zulf us kā TuuTe to Dar hai
ki ik vaqt meñ ye siyah-mār hogā

gulshan-e-husn-e-yār meñ karte haiñ jo talāsh-e-kaif-o-sukūñ
laakh hai barham nazm-e-do-ālam zulf meñ nik.hat aaj bhī hai

kuchh is tarah se ḳhayāloñ ne raushnī baḳhshī
tumhārī zulf bhī bikhrī to tīrgī na huī

zulf-o-rū-e-yār se nairañg-e-qudrat hai ayaañ
mahr ke panje meñ hai dāman shab-e-dījūr kā

shaam se hotī haiñ dil par jo balā.eñ nāzil
khol baiThe na huuñ vo zulf-e-siyah-fām kahīñ

aap kyuuñ baiThe haiñ ġhusse meñ mirī jaan bhare
ye to farmā.iye kyā zulf ne kuchh kaan bhare

idhar ḳhayāl mire dil meñ zulf kā guzrā
udhar vo khātā huā dil meñ pech-o-tāb aayā

aao shīrāza-e-hastī ko pareshāñ kar deñ
yuuñ ki us zulf ko paiġhām-e-pareshānī de

tirī zulf kī shab kā bedār maiñ huuñ
tujh āñkhoñ ke sāġhar kā mai-ḳhvār maiñ huuñ

zulf-bar-dosh vo ik baar to aa.e the 'shakīl'
phir koī raat bhī us raat se aage na baḌhī

jab bikhar jaatī hai zulf aur nikhar jaatī hai
mujh ko jam.īyat-e-ḳhātir hai pareshāñ honā

ajnabī ban ke rahe shahr meñ ham hālāñki
sāya-e-zulf bahut sāya-e-dīvār bahut

uThtī ghaTā hai kis tarah bole vo zulf uThā ki yuuñ
barq chamaktī kyūñki hai hañs ke ye phir kahā ki yuuñ

ḳhuub kī taqsīm tū ne ai ḳhayāl-e-zulf-e-yār
dil ko nazr-e-dāġh sar ko vaqf-e-saudā kar diyā

kis kis ko duuñ maiñ saḳht musībat meñ jaan hai
ruḳhsār-o-zulf māñgte haiñ dil alag alag

ik shefta hai zulf kā ik mubtalā-e-ruḳh
haiñ shaiḳh-o-barahman tire qaa.il alag alag

zulf se chhantī huī us ke badan kī tābisheñ
hañs diyā karte the aksar chāñdnī rātoñ pe ham

sar chaḌhā jaa.e hai ai zulf kasū kī to magar
us parī-rū se tujhe aaj jo sargoshī hai