Tags-Zulf

qaid-e-ulfat kā maza zulf-e-girah-gīr meñ hai
bas yahī rañg mire ḳhvāb kī ta.abīr meñ hai

kitne uruuj par bhī ho mausam bahār kā
hai phuul sirf vo jo sar-e-zulf-e-yār ho

ishq kī saarī bāteñ ai dil pāgal-pan kī bāteñ haiñ
zulf-e-siyah ke saa.e meñ bhī dār-o-rasan kī bāteñ haiñ

muddat se kisī zulf kī ḳhushbū nahīñ aatī
masrūfiyat-e-dast-e-sabā jāniye kyā ho

tumhāre haath ḳhālī jeb ḳhālī zulf ḳhālī thī
na the tum chor dil ke lo idhar dekho ye kyā niklā

lahrā.ī ek baar vo zulf-e-ḳhirad-shikār
koī na phir bulandī-o-pastī nazar paḌī

kuchh yaad aa ga.ī thī vo zulf-e-shikan-shikan
hastī tamām chashma-e-zulmāt ho ga.ī

asīr-e-zulf ko shāyad yahīñ rihā.ī hai
pukārtā huuñ jise vo sadā meñ aayā hai

shab-e-hijr meñ aañkh jo band huī tirī zulf kī yaad do chand huī
mirī saañs ulajh ke kamand huī mujhe terī hī zulf-e-dotā kī qasam

kabhī huuñ zulf kī zholīdagī meñ vārafta
kabhī maiñ terī jabīñ kī shikan meñ rahtā huuñ

tasavvur zulf kā gar chhoḌ duuñ mizhgāñ kā khaTkā hai
jo sar ke dard se fursat milī dard-e-jigar hogā

baḌe dil-kash haiñ duniyā ke ḳham o pech
nazar meñ zulf sī lahrā rahī hai

zulf khole thā kahāñ apnī vo phir bebāk raat
ḳhud-ba-ḳhud hotā thā juuñ shāna dil apnā chaak raat

husn ke lashkar ke rāvat haiñ do-chashm
zulf-o-lab shab-ḳhūñ kā qaabū bolnāñ

pech khā kar dil mirā chakrat meñ hai
zulf kuuñ terī chakābū bolnāñ

qaid meñ hai tire vahshī ko vahī zulf kī yaad
haañ kuchh ik ranj-e-girāñ-bāri-e-zanjīr bhī thā

naaz baḌhtā gayā baḌhte ga.e juuñ juuñ gesū
balki lene lage ab zulf o kamar donoñ saath

jahāñ meñ kaun bachā hai hamāre qatl ke ba.ad
jo terī zulf machaltī hai barhamī ke liye

nāz-e-āzādī 'hasan' vaj.h-e-asīrī ho gayā
mū-kashāñ dil ko ḳhayāl-e-zulf-e-paimāñ le chalā

āñkhoñ meñ shafaq jism meñ mai zulf meñ ThanDak
aalam bhī vo aalam ki ḳharābāt kā aalam