Tags-Zulf

vo ek harf hai kahiye use hikāyat-e-zulf
ki shikva-e-rasan o bandish-e-balā kahiye

shitābī apne dīvāne ko kar band
musalsal zulf se kar yā nazar-band

nihāñ abhī mirī vahshat kā raaz rahne de
na chheḌ qissa-e-zulf-e-darāz rahne de

us se mazmūñ bañdhā na choTī kā
zulf-e-jānāñ pe jo fidā na huā

na kahnāñ ḳhuub hai tujh zulf kī baat
abas har taar kā bistār karnāñ

saudā-e-zulf-e-yār meñ hai dard-e-sar zarūr
ik ḳhaas lutf bhī magar is dard-e-sar meñ hai

saudā-e-ishq zulf-e-siyah jis ke sar meñ hai
kab mutlaq imtiyāz use nafā o zarar meñ hai

adam ko chale qaid zulf-e-sanam meñ
raheñ paañv meñ beḌiyāñ chalte chalte

zulf-e-pur-pech se jo dil uljhā
biich meñ raḳh paḌā safā.ī kī

huā kare jo añdherā bahut ghanerā hai
kisī kī zulf tale har samay saverā hai

hai buuñd araq kī zulf ke biich
yā gauhar-e-shab charāġh hai ye

dām-e-zulf aur jahāñ ḳhaal kā daanā hogā
phañs hī jāvegā ġharaz kaisā hī daanā hogā

itrātā garebāñ par thā bahut, rah-e-ishq meñ kab kā chaak huā
vo qissa-e-āzādāna-ravī, us zulf ke hāthoñ paak huā

chāñd ko raat kyā chhupā.egī
zulf ruḳh ke liye naqāb nahīñ

kahte haiñ tirī zulf kuuñ dekh ahl-e-sharī.at
qurbān hai is kufr par īmān hamārā

rishte meñ tirī zulf ke hai jaan hamārā
bejā nahīñ sumbul ke upar maan hamārā

zulf-e-pur-pech ke saude meñ ajab kyā imkāñ
gar ulajh jaa.e ḳharīdār ḳharīdār ke saath

kamar in kī bahut hī nāzuk hai
zulf bhī tā-kamar nahīñ aatī

bayāñ kartā huuñ maiñ tujh zulf-e-mushkīñ kā sanam nis din
ḳhutan meñ gar suḳhan mere kī bū jaave to kyā hove

sanam tujh zulf ke zunnār ke rishte meñ aa zāhid
apas ke sub.ha-gardānī kuuñ kho jaave to kyā hove