Tags-Zulf

shab-e-furqat uThā kar fitna-e-mahshar se kahtī hai
mujhe zulf-e-darāz-e-yār kā afsāna aatā hai

āñkhoñ se tirī zulf kā saaya nahīñ jaatā
ārām jo dekhā hai bhulāyā nahīñ jaatā

us ke ruḳhsār par kahāñ hai zulf
shola-e-husn kā dhuāñ hai zulf

phire us zulf-o-rū ke ishq meñ donoñ-jahāñ ham se
udhar kuffār phir ga.e sab idhar īmāniyāñ ham se

chhoḌ dī ruḳh pe zulf samjhe ham
chhup ke ek aadh shab mileñge aap

uljhā huā hai 'shād' kā dil baal kyā baneñ
vo kah rahe haiñ zulf-e-pareshāñ ko kyā huā

dushman kā sog saaf hai chehre se āshkār
ā.īna dekh zulf-e-pareshāñ ko kyā huā

dasht-e-viġha meñ nūr-e-ḳhudā kā zuhūr hai
dasht-e-viġhā meñ nūr-e-ḳhudā kā zuhūr hai

idhar se bhar diyā mai ne nigāh kā sāġhar
udhar se zulf kā halqa gale kā jaal huā

zulf-e-kalmūñhī ko pyāre itnā bhī sar mat chaḌhā
be-mahābā muñh pe tere paañv kartī hai darāz

shāna-o-ā.īna kyā ai zulf-e-mushkīn-e-ayāz
terī zīnat ko dil-e-mahmūd honā chāhiye

husn is darja nashāt-e-husn meñ Duubā huā
añkhḌiyāñ be-ḳhud shamīm-e-zulf dīvānī hai aaj

hazār rañgoñ meñ apnī lahroñ pe shaam ubhartī hai Dūbtī hai
chahār atrāf ā.īna haiñ vo zulf-e-abtar hai aur maiñ huuñ

ham gabrū ham musalmāñ ham jam.a ham pareshāñ
ik silsila bañdhā us zulf-e-dotā se dekhā

na khīñch ai sa.ī-e-dast-e-nā-rasā zulf-e-tamannā ko
pareshāñ-tar hai mū-e-ḳhāma se tadbīr maanī kī

dekhiye kyā ho ki hai ab jaan ke pīchhe paḌī
dil ko ai kāfir tirī zulf-e-pareshāñ chhoḌ kar

dil ke Dasne meñ hai ye kaalā naag
zulf-e-pechāñ se bil na nāgan kar

is zulf-o-ruḳh-o-lab pe unheñ kyuuñ na ho naḳhvat
tātār hai un kā halab un kā yaman un kā

daam sabze ke se bachnā tā.ir-e-dil hai muhāl
sabza-e-ḳhat yak taraf zulf-e-pareshāñ yak taraf

chāhā thā mafar dil ne magar zulf-e-girah-gīr
pechāk banātī rahī pechāk se bāhar