Tags-Zulf

kaam aa ga.ī hai gardish-e-daurāñ kabhī kabhī
dekhī hai zulf-e-yār pareshāñ kabhī kabhī

dil zulf-e-butāñ meñ hai giraftār hamārā
is daam se hai chhūTnā dushvār hamārā

zulf us kī ho rahī thī pareshāñ havāoñ meñ
ham ye samajh rahe the duā ne asar kiyā

us zulf o ruḳh ke ishq kā charchā huā ye kuchh
hairāñ na.e na.e haiñ pareshāñ na.e na.e

mū-ba-mū kyūñ-kar na ho mujh ko giraftārī-e-zulf
kāfir-e-ishq-e-butāñ maiñ ek aur zunnār sau

ham se paa.ī nahīñ jaatī kamar us kī ai zulf
tū hī kuchh raah batā de to kamar paidā ho

chhoḌā na ek lahza tirī zulf ne ḳhayāl
ruḳh se judā huī to gale se lipaT ga.ī

but-ḳhāne se dil apne uThā.e na ga.e
ka.abe kī taraf mizāj laa.e na ga.e

karūñ mū o zulf kā kyā bayāñ ki ajiib qissa hai darmiyāñ
ye idhar ko siine pe aa rahī vo udhar kamar ke chale ga.e

ho rahā hai jahān meñ andher
zulf kī phir sirishta-dārī hai

baḌhtī hī jā rahī haiñ mirī be-qarāriyāñ
jab se kisī kī zulf-e-pareshāñ nazar meñ hai

zulf kī tarah is ko bas sañvārte rahiye
zindagī ko fitrat ne ḳham-ba-ḳham banāyā hai

abhī tak ghanerī sī chādar meñ huuñ maiñ
kisī zulf kā hai fusūñ jān-e-jānāñ

chheḌī ġhazal jo tum ne to aisā lagā 'kalīm'
ḳhushbū kisī kī zulf kī aa.ī huī sī hai

tahrīk-e-zulf se tirī bād-e-sumūm ne
kahte haiñ dasht-o-dar meñ diye baaT baaT saañp

pareshāñ-ḳhātirī had se guzartī hai to vahshat ko
kisī kā ālam-e-zulf-e-pareshāñ yaad aatā hai

ḳhush-numā manzaro itrāo na itnā ḳhud par
yaar ne zulf-e-hasīñ ruḳh pe girā.ī huī hai

zulf-e-rasā ko samjhā jo af.ī
chūkā vo qasr-e-kotāh bhūlā

aariz se us ke zulf meñ kyūñ-kar hai raushnī
zulmāt meñ to naam nahīñ āftāb kā

rahne de zikr-e-ḳham-e-zulf-e-musalsal ko nadīm
us ke to dhyān se bhī hotā hai dil ko uljhāo