Tags-Baam

kis ḳharābe meñ hameñ laa.ī hai vahshat ki jahāñ
koī dīvār na dar hai na koī bām-o-sutūñ

phuul phuul bām-o-dar rāste haiñ gul-paikar
vo udhar se guzre the yā bahār aa.ī thī

tumhāre baam kī sham.eñ bhī tābnāk nahīñ
mire falak ke sitāre bhī zard zard se haiñ

us kū maiñ hue ham vo lab-e-bām na aayā
ai jazba-e-dil tū bhī kisī kaam na aayā

merī nazar pe saarā zamāna hai mo'tariz
lekin vo ik adā hai lab-e-bām jo bhī ho

mire paas kyā vo aate mirā dard kyā miTāte
mirā haal dekhne ko lab-e-bām tak na pahuñche

maiñ fuġhān-e-be-asar kā kabhī mo'tarif nahīñ huuñ
vo sadā hī kyā jo un ke dar-o-bām tak na pahuñche

koī achchhā nahīñ hotā hai barī chāloñ se
lab-e-bām aa ke khaḌe ho na khule bāloñ se

us taraf sañg-bārī har ik baam se
is taraf ā.inoñ kī dukāñ ek maiñ

shāh-rāhoñ pe hamīñ to nahīñ maslūb hue
qatl-e-mahtāb ne ḳhud ko bhī lab-e-bām kiyā

yuuñ apnī zaat meñ ab qaid ho ke baiThā huuñ
ḳhud apne gird uThā.e the bām-o-dar maiñ ne

bichhaḌte vaqt udāsī kā rañg thā jin par
nazar ne bose bahut aise bām-o-dar ke liye

zulf bikhrā.e vo baam par aa ga.e
jab suhānī rutoñ kī sifārish huī

bikhrā.e baal dekh liyā kis ko baam par
har vaqt haa.e zulf hai har lahza haa.e zulf

gire galiyoñ ke qadmoñ par añdherā
fazā meñ raushni-e-bām ubhre

kiyāñ makāñ taakā hai dil ne raat aur din se pare
be-zabāñ hote chale haiñ qaid-e-bām-o-dar meñ ham

terī dastak thī ki sannāTā vahī har shaam kā
rahrav-e-koh-e-nidā haiñ ghar ke bām-o-dar meñ ham

suneñ bām-o-hosh pe jā ke kyuuñ tirī 'mullā' āyat-e-be-maza
abhī koī ishq meñ raat ko vo ġhazal sunī ki phaḌak ga.e

chāñd gardūñ ko mayassar hai sahar hone tak
raqs-e-darvesh tire baam pe aane tak hai

jā sakā maiñ na bām-e-jānāñ tak
varna ālī-janāb ho jaatā