Tags-Badan

nazreñ jhukā ke sāmne mere khaḌā hai vo
sharmindagī kī apne badan par qabā ke saath

lab par ḳhudā kā naam ho dil meñ vatan kā dard
nikle badan se ruuh mirī is adā ke saath

nūr-e-badan se phailī añdhere meñ chāñdnī
kapḌe jo us ne shab ko utāre palañg par

is shahr-e-badan ke bhī ajab hote haiñ manzar
lagtā hai abhī tum ne siyāhat nahīñ kī hai

kyā dekhtā hai haath mirā chhoḌ de tabīb
yaañ jaan hī badan meñ nahīñ nabz kyā chale

tire payām hī se surḳh ho gayā hai badan
ki meñh paḌā nahīñ hai khil uThe kañval pahle

maiñ apnī rūh-e-azāb-gar se ye kah rahā thā
ki ruuh kī pyaas aur badan kī talab meñ

abhī to mere garebāñ meñ hai tirī ḳhushbū
tire badan pe abhī merā naam likkhā hai

phaTe purāne badan se kise ḳharīd sakūñ
saje haiñ kāñch ke paikar baḌī dukānoñ meñ

vo ek dard shagufta gulāb ho kar bhī
badan pe zaḳhm sā jaise nayā nikal aayā

merā badan to radd-e-amal meñ ḳhamosh thā
merī zabāñ ne zā.iqa-e-ḳhushk-o-tar diyā

yādoñ ke suhāne mausam meñ us garm-badan kī aañch liye
chal nikle haiñ ham yuuñ ḳhush ḳhush hai jaise vo idhar rahtā hī to hai

mahak rahā hai badan maañg meñ sitāre haiñ
shab-e-firāq batā kis ke ghar se aa.ī hai

har ek shāḳh pe vīrāniyāñ musallat haiñ
badan-daraḳht bhī goyā hai āshiyān-e-shab

chāñdnī meñ tire badan kā nikhār
husn kuchh māhtāb kā bhī thā

jism par reñg uThīñ be-badan chīTiyāñ
phir vahī dhuup sī chāñdnī aur maiñ

chāñd bhī utrā thā pichhlī shab isī tālāb meñ
kyuuñ chamaktā hai nahā dho kar badan poñchhā na kar

jiite jāgte phuul badan meñ kaise kaise rog lage
dil kā kyā hai dil to apne ḳhvāboñ kā shahzāda thā

yaum-e-jazā meñ fitna-e-mahshar kī ḳhair ho
pahle hī jo thī sarv-badan aur baḌh ga.ī

badan ke peḌ the āñkhoñ kī kashtiyāñ thiiñ jahāñ
vahāñ pe ek bhī lamha nahīñ jiyā maiñ ne