Tags-Badan

badan badan ḳhushbū phailī hai
ghuñghaT ghuñghaT phuul khilā hai

kāñch ke reze tez havā meñ bāvle uḌte phirte haiñ
nañge badan kī chāñdnī se phir taarā taarā girtā hai

umr-safar jaarī hai bas ye khel dekhne ko
ruuh badan kā bojh kahāñ tak kab tak Dhotī hai

us ke ḳharrāToñ ko fitrī bāñkpan kahnā paḌā
ful badan aurat thī jis ko gul-badan kahnā paḌā

kisī se jab kabhī ham zindagī badalte haiñ
to phir badan kī bhī poshāk honā paḌtā hai

khulegā bād-e-nafas se jo ruḳh pe nīl-kañval
use kahāñ tirā ujlā badan chhupā.egā

hisār-e-zabt hai abr-e-ravāñ kī parchhā.īñ
malāl-e-rūh ko kab tak badan chhupā.egā

damak rahā hai jo nas nas kī tishnagī se badan
is aag ko na tirā pairahan chhupā.egā

ik buuñd zahr ke liye phailā rahe ho haath
dekho kabhī ḳhud apne badan ko nichoḌ ke

ik aag ġham-e-tanhā.ī kī jo saare badan meñ phail ga.ī
jab jism hī saarā jaltā ho phir dāman-e-dil ko bachā.eñ kyā

girā jo kaT ke badan se to jhuk ga.e sab log
baġhair taaj ke sar tājdār merā rahā

varaq varaq gul-e-tar mauj mauj bād-e-sahar
badan kā lams tire pairahan kī bū māñge

badan ko ruuh ne hamvār kar liyā lekin
use jo dekhā kañvārā sā ho gayā thā maiñ

tirī yaad aa.e to chup rahūñ zarā chup rahūñ to ġhazal kahūñ
ye ajiib aag kī bel thī mire tan-badan se lipaT ga.ī

pahuñchā maiñ kū-e-yār meñ jab sar liye hue
nāzuk badan nikal paḌe patthar liye hue

hai tā-hadd-e-nazar niilā samundar
badan meñ phaḌphaḌātā hai kabūtar

jo regzār-e-badan meñ ġhubār uḌtā ho
to chashm-e-ḳhāk-e-rasīda meñ ḳhvāb kyā rakhnā

muñh phertā nahīñ hai kisī kaam se badan
bikhrā paḌā hai aaj magar shaam se badan

thoḌā to chalne phirne de mujh ko mire hakīm
thak sā gayā hai roz ke ārām se badan

chhilke to buuñd buuñd mire jism par gire
chipkā liyā hai maiñ ne tire jaam se badan