Tags-Badan

jo ḳhas-e-badan thā jalā bahut ka.ī nik.hatoñ kī talāsh meñ
maiñ tamām logoñ se mil chukā tirī qurbatoñ kī talāsh meñ

baḌhe hai din-ba-din tujh mukh kī taab āhista āhista
ki juuñ kar garm ho hai āftāb āhista āhista

ḳhirad kī aag meñ sadiyoñ jale badan lekin
dil-o-dimāġh se bū-e-munāfirat na ga.ī

udhar diye kā badan havā se thā paara paara
idhar añdhere kī aañkh meñ ik kiran gaḌī thī

jo bhaa.ī lauT ke aa.e kabhī na dariyā se
unhīñ ke baazū qavī the badan ikahre the

hamārā dard bhī us ke badan meñ ho 'rizvān'
jab us kā dard hamāre badan meñ rahnā hai

ab to chubhtī hai havā barf ke maidānoñ kī
un dinoñ jism ke ehsās se jaltā thā badan

abhī to lag na chalnā thā 'asar' us gul-badan ke saath
koī din dekhnā thā zaḳhm-e-dil be-tarah aalā thā

ek manzar meñ lipTe badan ke sivā
sard rātoñ meñ kuchh aur dikhtā nahīñ

tire badan kī nazākatoñ kā huā hai jab ham-rikāb mausam
nazar nazar meñ khilā gayā hai sharāratoñ ke gulāb mausam

maiñ band kamre meñ ḳhāmosh rah to saktā huuñ
mire badan meñ agar ghuT ke mar gayā koī

badan ke dasht ko ham jis se paar kar lete
kahīñ milā na hameñ aisā rāsta koī

gerve kapḌe badan par haath lohe ke kaḌe
le malāmat-dār suufī dar pe tere aa paḌe

ḳhāk-e-badan tirī sab pāmāl hogī ik din
reg-e-ravāñ banegā āḳhir ko ye jazīra

mere badan pe sirf havā kā libās thā
terī qabā meñ chāñd sitāre jaḌe rahe

ai tū ki yaqīñ hai tujhe shīshe ke badan par
ehsās kī dastak par kabhī kaan dharā kyā

bujh ga.ī raunaq-e-badan uḌ gayā rañg-e-pairahan
jaan umīd-vār-e-man vaqt bahut guzar gayā

ajab tarah kā tilism thā is mafāriqat meñ
badan laraztā thā aur āñkhoñ meñ Dar nahīñ thā