Tags-Badan

ik naqsh to Thahrā thā ravānī ke badan par
jab ban ke bhañvar ham tire girdāb meñ aa.e

ab koī gulshan na ujḌe ab vatan āzād hai
ruuh gañgā kī himāla kā badan āzād hai

sardī garmī barkhā tīnoñ ek saath hī baste haiñ
tere badan meñ vo jaadū hai saare mausam rahte haiñ

nahīñ ajab isī pal kā ho muntazir vo bhī
ki chhū le us ke badan ko zarā sī himmat kar

ḳhaak kā ḳhāna ġharībāna-badan hai ki jise
raunaq-e-ishq ne shāhāna banā rakkhā hai

ġhazab se chīñ-bar-jabīñ dikhā.e badan se Tapke bhī hai pasīna
ayaañ hai yaaro na.e hunar se falak pe bijlī zamīñ pe bārāñ

sukūt-e-sho.ala-e-gul hai ki terā paikar-e-rañgīñ
vo aañch aatī hai jaise badan meñ aag dabī hai

chaman-e-rūh se ḳhushbu-e-badan aatī hai
jaan par mauja-e-lab nafha-e-gesū dil par

karegā kaun use sāzish-e-badan meñ sharīk
jo shaḳhs qaid abhī ruuh ke qafas meñ hai

vo muñh se kuchh nahīñ kahtā ki pesh-o-pas meñ hai
badan kā karb to zāhir nafas nafas meñ hai

mujh ko shā.er na kaho 'mīr' ki sāhab maiñ ne
dard o ġham kitne kiye jam.a to dīvān kiyā

vāraftagī-e-shauq meñ shal ho ga.e badan
aabid tavāf-e-kūcha-e-jānāñ na kar sake

Tiis ik uTThe badan meñ jvaar palnā chāhiye
aap ke siine meñ ik sañgrām chalnā chāhiye

mirī nazroñ meñ hai juġhrāfiya us ke badan kā
tasavvur bāñdh lūñgā shā.irī kartā rahūñgā

be-barg-o-bār kar ga.ī āñdhī mirā badan
ḳhush thā ye soch kar ki lage haiñ samar mujhe

lo utartī hai badan se mire ḳhākī poshāk
lo huā jaatā huuñ maiñ sarf-e-kamāl-e-duniyā

kisī kī yaad hamesha sambhāl rakkhūñ magar
lahū ke saath badan bhī to jalne lagtā hai

bhuul kar tū saare ġham apne chaman meñ raqs kar
jaag ai darvesh-e-jāñ mere badan meñ raqs kar

vajūd-e-ḳhāk se lipTe rahe pahlū ke añgāre
badan kī aag jaane kaise bujh paa.ī namī-dānam

hālāt kī shiddat ne jhulsā.e badan aise
chehre kī ziyā ruḳhsat zebā.ī nahīñ baaqī