Tags-Badan

bāġh-e-badan meñ us ke be-rañg-o-bū rahe ham
ab ḳhvāhisheñ ba-taur-e-jurmāna ho rahī haiñ

kyā chiiz hai ḳhvāhish-e-badan bhī
har baar nayā hī zā.iqa de

dukhtā hai badan ki phir mile vo
mil jaa.e to ruuh ko dikhā de

nikhre badan kā muskurānā hai hai
ras ke jauban kā gungunānā hai hai

badan kā ghar hai dīmak phailne se
ye Dar hai dil kā rauzan chaT na jaa.e

badan par oḌh kar gard-e-masāfat
ġham-e-manzil chhupānā chāhte haiñ

maanā ki rañg rañg tirā pairahan bhī hai
par is meñ kuchh karishma-e-aks-e-badan bhī hai

ye reza reza sī ārzūeñ kabhī to kar de mire havāle
maiñ apne bikhre badan kī mānind dekhtā huuñ malūl tujh ko

hamdam vabāl-e-dosh na kar pairahan mujhe
kāñTā sā hai khaTaktā mirā tan badan mujhe

dikhlā na ḳhāl-e-nāf tū ai gul-badan mujhe
har laala yaañ hai nāfa-e-mushk-e-ḳhutan mujhe

raushan thā jis charāġh kī lau se badan 'nabīl'
mujh ko tamām-umr hī dhaḌkā usī kā thā

bhārī būToñ-tale rauñdte jā.iye
koñpaloñ ke badan āhaToñ ke diye

ye dāġh-e-dil nahīñ jo chhup sake chhupāne se
badan kā zaḳhm hai ab ḳhuun to bahegā hī

maiñ shurū-e-ishq meñ hal karne vaalā thā ise
mas.ala rūh-o-badan kā itnā pechīda na thā

banānā paḌtā hai apne badan ko chhat apnī
aur apne saa.e ko dīvār karnā paḌtā hai

aa.e yaqīn kyoñ hameñ jaltā thā ik badan
be-shak na aag ho kahīñ lekin dhuāñ to ho

le jā.iye badan ko bhī āḳhir kahāñ pe aap
koī zamīñ to ho kahīñ ik āsmāñ to ho

na toḌ shīshoñ ko o gul-badan taḌāq-paḌāq
ye dil-shikan hai sadā-e-shikan taḌāq-paḌāq

mire andar kā chehra muḳhtalif hai
badan pe aur kuchh paayā gayā hai

badan ko chhoḌ hī jaanā hai ruuh ne 'āzar'
har ik charāġh se āḳhir dhuāñ nikaltā hai