Tags-Badan

badan-darīda-o-be-barg-o-bār honā bhī
mire hī vāste phir sharmsār honā bhī

ye badan hai tirā ye aam sā rasta to nahīñ
is ke har moḌ pe ham sadiyoñ Thaharnā chāheñ

badan se mere vo pūchhtī hai batāo āshiq kahāñ hai merā
dhaḌak ke dil ye javāb detā hai jaan ījād ho rahā hai

jal gayā saarā badan in mausamoñ kī aag meñ
ek mausam ruuh hai jis meñ ki ab zinda huuñ maiñ

jise vo sāñsoñ kī loriyoñ se mire badan meñ sulā ga.ī thī
palaT ke aa.ī to vo chahaktā sharīr bachcha marā huā thā

jab to us gul-badan shakar-lab ne
yuuñ kahā sun ke is haqīr kī arz

uThā.e phir rahā hai kotvāl-e-umr chābuk
badan majbūr lāchārī meñ dauḌe jā rahā hai

hadd-e-badan meñ merī zaat aa nahīñ rahī hai
bhāgī huī hai aisī haath aa nahīñ rahī hai

badan bhīgeñge barsāteñ raheñgī
abhī kuchh din ye sauġhāteñ raheñgī

saañs letā huuñ to chubhtī haiñ badan meñ haDDiyāñ
ruuh bhī shāyad mirī ab mujh se bāġhī ho ga.ī

rachī hai mere badan meñ tamām din kī thakan
abhī to raat kā lambā safar bhī aa.egā

kabhī to shāḳh-e-ta.alluq meñ phuul ā.eñge
kabhī to sard badan ko lahū pukāregā

utar chukā hai badan se tamām nasha-e-vasl
chaḌhā chaḌhā sā tabī.at pe hai ḳhumār sā kuchh

na kaam aa sakī a.azā kī chār-dīvārī
makāñ badan kā zamīñ kī tahoñ meñ baiTh gayā

suntā to hai badan kī ibādat pe āyateñ
aatā nahīñ hai phir bhī kisī ke fareb meñ

shāyad nasīm terā badan chhū ke aa.ī thī
apnī sahar meñ rañg-e-qayāmat rahā bahut

sukūñ sarāb zamīñ meñ jhulas gayā thā badan
na jaane kaun dhanak-rañg sā.ebān meñ thā

niiñd aa jaa.e to lamhāt meñ mar jaate haiñ
din se bach nikle badan raat meñ mar jaate haiñ

abhī ragoñ meñ hai talḳhī-e-e'tibār-e-havas
badan meñ TuuT rahā hai abhī ḳhumār-e-havas

us ke badan ko dī numūd ham ne suḳhan meñ aur phir
us ke badan ke vāste ek qabā bhī sī ga.ī