Collections

Lab Shayari

Motivational Ghazals

Best Khamoshi Shayari

More Collections

Tags-Badan

badan ne kitnī baḌhā lī hai saltanat apnī
base haiñ ishq o havas sab isī ilāqe meñ

badan ne kitni baDha li hai saltanat apni

havā dahāḌ ke Takrā.e bhī to kyā hāsil
pahāḌ apne badan meñ lachak nahīñ rakhte

hawa ki rah-numai pe shak nahin rakhte

ye hāv-hū badan ke ghaav par hai
magar maiñ dil ke nashtar sochtī huuñ

use betab ho kar sochti hun

haal likkhā hai jo maiñ ne badan-e-lāġhar kā
le uḌā tinke kī mānind kabūtar kāġhaz

hae laya na koi qasid-e-dilbar kaghaz

badan kis taur shāmil thā mire kār-e-junūñ meñ
mire dhoke meñ us ko kyuuñ miTāyā jā rahā hai

nazar ko phir koi chehra dikhaya ja raha hai

takān hai to sambhal jā magar na uuñgh kabhī
safar kī dhuul badan kā ġhubār baaqī rakh

qarib se na guzar intizar baqi rakh

lahūluhān huā hai mirā badan yuuñ bhī
pakaḌ na paayā kabhī haath maiñ sitamgar ke

hare hain zaKHm kuchh is tarah bhi mere sar ke

badan ke chaak par zarf-e-numū tayyār kartā huuñ
maiñ kūza-gar huuñ aur miTTī kā kārobār kartā huuñ

badan ke chaak par zarf-e-numu tayyar karta hun

man andāz-e-qadat-rā mī shanāsam mard-e-afrañgī
ki kapḌe saaf haiñ lekin badan nāpāk dil mailā

koi TuTi hui kashti ka taKHta bhi agar hai la

tishna tishna se badan meñ hai sharābī nashsha
chashma-e-faiz tirī aañkh se phir jaarī hai

ek talwar hai talwar bhi do dhaari hai

badan kī zardiyāñ miTne lagī haiñ
zarūrat hai ġhamoñ kī āñdhiyoñ kī

balaen lijiye ab barishon ki

halqa-e-ahbāb baḌhtā jā rahā hai din-ba-din
ab maiñ apne aap ko bhī aur kuchh gahrā karūñ

kaun se jazbaat le kar tere pas aaya karun

aañkh bhar ishq aur badan bhar chaah
shukr lab bhar gila zabāñ bhar thā

aankh bhar ishq aur badan bhar chah

us gul-badan ke vasl se har dam 'nazīr' ko
sab se ziyāda ḳhalq meñ aish-o-tarab hai ab

kuchh aur to nahin hamein is ka ojab hai ab

jo chāñd se haiñ badan haiñ vo chāñd tāroñ meñ
guloñ meñ haikaleñ haikal ke tā-kamar ta.avīz

wo but pari hai nikalen na baal-o-par tawiz

kyā balāġhat aa ga.ī us ke badan ke matn meñ
chand lafzoñ kā jo kuchh radd-o-badal maiñ ne kiyā

aaKHir uske husn ki mushkil ko hal maine kiya

jism kī dahlīz par dastak sī hai mahtāb kī
kyā badan is raat merā āsmāñ ho jā.egā

aankh se nikla to ek sail-e-rawan ho jaega

chaap kānoñ se kisī kī duur jaatī jā.egī
rafta rafta ye badan be-jān hotā jā.egā

sans ka jhonka bhi ab tufan hota jaega

agar kisī ne badan kā sukūn paayā hai
vo shaḳhs ruuh kī tārīkiyoñ meñ uljhā hai

agar kisi ne badan ka sukun paya hai

badan kā bojh ham Dhote hī rahte haiñ
mareñ to ġhair kā ehsān hotā hai

kisi ghar ka bahut nuqsan hota hai