Tags-Badan

maiñ apne hone kī takmīl chāhtā huuñ sakhī
so ab badan kī hirāsat se kar rihā mujh ko

mere hī saañs se mere hī badan kī chādar
kaun samjhā.e kise aa.e yaqīñ kaise jalī

bārish-e-sañg kā mausam hai mire shahr meñ to
tū ye shīshe sā badan le ke kahāñ aa ga.ī dost

jaane kyuuñ ruuh tan-badan meñ nahīñ
aaj maiñ apne pairahan meñ nahīñ

safar-e-ishq meñ badan us kā
duur se raushnī dikhā.e gayā

lahū lahū hai badan phir bhī zindagī ke liye
mire laboñ pe koī harf-e-nā-sipās to ho

bin bartī har chiiz meñ 'mohsin' ik din ghun lag jaatā hai
us Dar se ham apne badan ko dhuup lagāte phirte haiñ

bārish kā badan thā us kā hañsnā
ġhunche kā ḳhisāl us kā haq thā

kaun badan se aage dekhe aurat ko
sab kī āñkheñ girvī haiñ is nagrī meñ

badan hai yā qila-e-havā hai kahīñ se aa.uuñ kahīñ se jā.ūñ
hazāroñ raḳhne paḌe hue haiñ uThā ke dīvār dar meñ rakh de

burīda-dast barahna-badan shikasta-pā
tire dayār meñ kyā kyā na bad-nasīb aayā

jis kī lahroñ se janam lete haiñ sandal se badan
us samundar kā ba-sad shauq maiñ pairāk huā

is retīle badan kī
jhulsī huī ragoñ meñ

aage baḌhne vaale
badan ko kapḌoñ par oḌhte

yād-e-gesū meñ huā merā ye dhajjī sā badan
mujh pe phabtī kahte haiñ mūbāf hai gesū nahīñ

jhulas rahā hai javānī kī lau meñ merā badan
tirī talāsh meñ huuñ garmī-e-shabāb liye

koī ātish-kada hai us kā badan
aag hai aur jāvedānī hai

vo ḳhush-badan jis galī se guzrā thā us galī meñ
ham aaj bhī apnā dil sambhāle paḌe hue haiñ

vo musht-e-ḳhāk-badan ho ki jaan kī ḳhushbū
har ek chiiz ko ik din bikhar hī jaanā hai

tamām nūr-e-tajallī tamām rañg-e-chaman
ye terā chāñd sā chehra ye terā gul sā badan