Tags-Badan

maiñ zaḳhm zaḳhm badan ko chhupā.ūñ kis kis se
ḳhudā ke vāste tū haath se kamāñ rakh de

jalāl apnī mohabbat kā sab se ūñchā hai
badan meñ aise to bīmāriyāñ bahut sī haiñ

kiran kiran tirā paikar kalī kalī chehra
ye laḳht laḳht badan ab kahīñ baham bhī to ho

khulā hai tere badan kā bhī isti.āra kuchh
bayān-e-harf-o-navā pairahan tumhārā kuchh

ġhazal kī shāḳh pe ik phuul khilne vaalā hai
badan se aane lagī za.afrān kī ḳhushbū

kab se raazī thā badan be-sar-o-sāmānī par
shab maiñ hairān huā ḳhuun kī tuġhyānī par

kal bagūle kī tarah us kā badan raqs meñ thā
kis qadar ḳhush thī mirī ḳhaak pareshānī par

ab kahāñ dekhne vāloñ ko yaqīñ aa.egā
bāġh-e-jannat thā badan ḳhvāb the bose tere

chādar se jab na chhup sakā sukḌā huā badan
khul kar ab apne paañv pasārā kareñge ham

kabhī jhiñjhoḌ ke rakh detā hai tamām badan
kabhī vo dil meñ dabe paañv bhī utartā hai

badan churā ke vo chaltā hai mujh se shīsha-badan
use ye Dar hai ki maiñ toḌ phoḌ dūñgā use

jis gul-badan ke tan meñ poshāk sausanī hai
so vo parī to ḳhāsī kālī-ghaTā banī hai

har ek zaḳhm ko baḳhshī gulāb kī sūrat
badan kī sej pe kāñToñ ko ham ne phuul kiyā

mere bistar tak abhī aa.ī hai vo ḳhushbu-e-ḳhvāb
rafta rafta bāzuoñ meñ bhī badan bhar aa.egī

badan meñ phail rahī hai ye kā.enāt 'āzar'
hamārī aañkh kī putlī simaT rahī hogī

ye chilchilātī huī dhuup jal rahā hai badan
guzar rahī hai yūñhī hasrat-e-sahāb liye

nāzukī ik gul-badan kī saath hai
ab agar pahlū meñ kāñTā hai to ho

chakh rahā thā maiñ ik badan kā namak
saare bartan khule paḌe hue the

jaise badan meñ jaan hī baaqī nahīñ rahī
mahsūs ho rahā hai safar kī takān par

ai havā-e-chaman mujh pe ehsāñ na kar nik.hat-e-gul kī mujh ko zarūrat nahīñ
ishq kī raah meñ pyaar ke itr se mere saare badan ko vo mahkā gayā