Tags-Aah

kyā manzil-e-ġham simaT ga.ī hai
ik aah meñ raah kaT ga.ī hai

na aayā rahm kuchh bhī aah dil meñ us sitamgar ke
hamārī jab.ha-sā.ī ke asar se āstāñ royā

ajab tamāshā hai kis se kahiye asar nahīñ sañg-dil ke dil meñ
karūñ huuñ yaaro maiñ ek dam meñ hazāroñ naale va aah lākhoñ

gayā javānī kā saath sab kuchh vo garmi-e-ishq ab kahāñ hai
jo maiñ ne us vaqt aah kī hai bujhī huī aag kā dhuāñ hai

phir vo armān ham-āġhoshī kā jazb-e-gustāḳh
aah vo raat vo salmā se mulāqāt kī raat

mere siine meñ idhar zulf-e-muattar kā hujūm
aah vo zulf ki āvāra ḳharābāt kī raat

haa.e vo mast ghaTā haa.e vo salmā kī adā
aah vo rūd-e-chanāb aah vo gujrāt kī raat

kyuuñ na un donoñ pe miTne kī ho hasrat aḳhtar
uf vo us raat kī baat aah vo us baat kī raat

phir sināñ mizzha-e-dil par vo uThātā hai 'nazīr'
zaḳhm-e-shamshīr-e-nigah aah nahīñ kaarī kyā

āh-o-nāla ne kuchh asar na kiyā
hijr kī shaam ko sahar na kiyā

kah diyā bas ki tirī aah meñ tāsīr nahīñ
ye na dekhā ki ye siina meñ hai rauzan kaisā

ik aah nishānī jiine kī rahtī thī magar jab vo bhī nahīñ
kyuuñ dukh kī maalā japne ko ye tinkā sā tan rahtā hai

kahīñ to sāhil-e-nā-yāft kā nishāñ hogā
jalā ke ḳhud ko taqāzā-e-āh hoñ to sahī

sher kyā hai aah hai yā vaah hai
jis se har dil kī ubhar aatī hai choT

aah qāsid tū ab talak na phirā
dil dhaḌaktā hai kyā huā hogā

nāla-o-āh karte hī karte
ek din yuuñ hī mar gayā hogā

ye tirā kaam nahīñ dekh na duniyā kī taraf gaa.e jā
maddham ik aah meñ ik chīḳh meñ pancham na badal jaa.e kahīñ

alam-e-āh sar-buland hai aaj
kal hamārā nishāñ mile na mile

ve din bhī aah koī kyā the ki jin dinoñ meñ
dil ko ḳhushī thī apne dildār sab taraf se

dāman ko us ke khīñcheñ aġhyār sab taraf se
aur aah ham ye khīñcheñ āzār sab taraf se