Tags-Bandagi

arsh ko hairat haram ko vajd nāzāñ bandagī
haa.e vo aalam ki jab sajde meñ sar paatā huuñ maiñ

tirī pand ḳhair-asar nahīñ tirī bandagī bhī ġhalat-nigar
tirā fikr nāseh-e-mohtaram abhī muflisī kā shikār hai

ai shāh-e-husn mujh kuuñ tumhārī janāb meñ
muddat siiñ bandagī kā jo iqrār thā so hai

achchhā huā tahī haiñ zar-e-bandagī se ham
har moḌ par hujūm khaḌā hai ḳhudāoñ kā

zanjīr-e-pā se laaj ġhulāmī kī rah ga.ī
har gaam par uThā hai mirī bandagī kā shor

tere sivā karūñ pasand kyā tirī kā.enāt meñ
donoñ jahāñ kī nemateñ qīmat-e-bandagī nahīñ

ishrat-e-ḳhuld ke liye zāhid-e-kaj-nazar jhuke
mashrab-e-ishq meñ to ye jurm hai bandagī nahīñ

kyā vo namrūd kī ḳhudā.ī thī
bandagī meñ mirā bhalā na huā

'alīmullāh' huzūrī meñ sanam ke
nahīñ juz bandagī iqrār hamnā

kaT ga.ī umr merī ġhaflat meñ
kuchh tirī bandagī adā na huī

sāhab ne is ġhulām ko āzād kar diyā
lo bandagī ki chhūT ga.e bandagī se ham

baḌā maza hameñ is bandagī meñ hāsil ho
jo sub.h o shaam tirā naam le liyā jaa.e

bandagī kā maqsad-e-ālā to puurā kar diyā
sajda karne ham haram ko yā ki but-ḳhāne ga.e

jabīn-e-shauq meñ jab koī shān-e-kāfirī aa.ī
to istiqbāl karne har qadam par bandagī aa.ī

sabaq hai sīkhā ham ahl-e-dil ne ye ijz kī sar-bulandiyoñ se
ki ek sajda hai kaafī lekin ho bandagī bandagī kī sūrat

sar meñ saudā-e-bandagī hai 'asar'
kaun is āstāñ se uThtā hai

īsār-e-ḳhud-shanāsī tauhīd aur sadāqat
ai dil sutūn haiñ ye aivān bandagī ke

āshiqī ho ki bandagī 'fākir'
be-dilī se to ibtidā na karo

na ho jo banda-parvar bandagī ko bandagī us kī
janāb-e-dil ḳhudā ravāq koī aur ghar dekho

āshiqī se milegā ai zāhid
bandagī se ḳhudā nahīñ miltā