Tags-Barg

havā ke dosh pe huuñ misl-e-barg-e-āvāra
ab aur kyā kahūñ 'anjum' meñ apnā hāl-e-zabūñ

ham mohabbat ko mukammal nahīñ zāhir karte
vo hinā-barg ko chuTkī meñ masal kar dekheñ

tamām umr guzārī ravāñ-davāñ 'rāshid'
the barg-e-ḳhushk kahīñ par qadam jamāte kyā

barg-e-āvāra se koī pūchhe
bū-e-gul kis kī justujū meñ ga.ī

ba-qaul-e-shā.ir-e-mashriq maiñ apnā qātil-e-jāñ
havā-e-tund bhī maiñ barg-e-be-navā bhī maiñ

maiñ apnī shāḳh-e-ḳhamīda kā barg-e-shorīda
shajar kā jism bhī maiñ jism se judā bhī maiñ

āvāra aaj sūrat-e-barg-e-ḳhizāñ mile
miltī thī jin se bād-e-sabā bā-adab kabhī

shāḳh-e-buland-e-bām se ik din utar ke dekh
ambār-e-barg-o-bār-e-ḳhizāñ meñ bikhar ke dekh

'bānī' ajab tarah se khulī ḳhush-muqaddarī
barg-e-shafaq bhī barg-e-hinā bhī mire liye

vo barg-e-gul-e-tāza vo shabnam kī latāfat
ik husn se vo ḳhanda-e-sāmān-e-haqīqat

Thahre hue haiñ barg-e-ḳhizāñ-dīda kī tarah
sankī havā zarā bhī to samjho ki ham ga.e

barg-o-bār par us ke haq nahīñ hamārā hī
apne ḳhuun se sīñchā ham ne jo shajar barsoñ

barg Thahre na jab samar Thahre
aise mausam pe kyā nazar Thahre

barg-e-āvāra havā nā-āshnā be-mehr phuul
aate jaate mausamoñ meñ koī Thahrā bhī to ho

duur jab se sifat-e-barg-e-ḳhizāñ-dīda hai
yaad aatā hai shab-o-roz vo gulshan kaisā

misāl-e-barg-e-ḳhizāñ hai havā kī zad pe ye dil
na jaane shāḳh se bichhḌe to phir kidhar jaa.e

har shāḳh-e-tamannā par merī har-chand ki barg-o-bār lage
vo peḌ jo mere naam kā hai, har aañkh ko sāya-dār lage

naḳhl-e-umīd-o-ārzū be-barg-o-bār hai
nākāmī-e-hayāt pe dil sharmsār hai

barjā hai barg-e-gul suuñ kafan us kuuñ hue nasīb
jo kui huā shahīd vo gul-gūñ qabā ke haath