Tags-Barham

koī ho mahram shoḳhī tirā to meñ pūchhūñ
ki bazm-e-aish jahāñ kyā samajh ke barham kī

dekhte kyā ho udhar gar zulf barham ho ga.ī
ye sarāsar harkat-e-bād-e-sabā thī maiñ na thā

na muñh chhupā ke jiye ham na sar jhukā ke jiye
sitamgaroñ kī nazar se nazar milā ke jiye

chamaktī hai koī bijlī to sham-e-rahguzar ban kar
nigāh-e-barham in kī kuchh to sharmā.ī bhī hotī hai

havā bhī tez hai yūrish bhī hai añdheroñ kī
jalā.e mish.aleñ baiThe haiñ log barham se

Takrā na mujh ko merī anā ke pahāḌ se
mere liye vo sā.at-e-barham talab na kar

le jā chukī chaman meñ sabā bū-e-zulf-e-yār
sumbul ke silsile ko bhī barham vo mū kareñ

qulzum-e-ulfat meñ vo tūfān kā aalam huā
jo safīna dil kā thā darham huā barham huā

ham-nashīñ mat kah ki barham kar na bazm-e-aish-e-dost
vaañ to mere naale ko bhī e'tibār-e-naġhma hai

bandar baañT rahā thā phaliyāñ bolā gidh ho ke barham
''ye achchhī taqsīm hai terī ḳhud le ziyāda ham ko kam''

dil ke armān machalte hī chale jaate haiñ
ye siyah-rāt tirī kākul-e-barham to nahīñ

barsoñ se ho rahā hai barham samāñ hamārā
duniyā se miT rahā hai nām-o-nishāñ hamārā

kar dī sohbat darham-o-barham kis kī chashm ke afsūñ ne
bahkā saaqī Dhalkī botal aur chhalkā paimāna bhī

mizāj-e-mahfil-e-gītī agar na barham ho
to rañg-e-aish ko gard-e-ruḳh-e-malāl kahūñ

paspā huī sipāh to parcham bhī ham hī the
hairat kī baat ye hai ki barham bhī ham hī the

barham huā thā merī kisī baat par koī
vo hādisa hī vaj.h-e-shanāsā.ī ban gayā

sa.ī-e-iz.hār 'ziyā' kāñch ke TuuTe hue lafz
ārzūeñ haiñ kisī mahfil-e-barham kī tarah

ajab aalam thā
aur maiñ āsmāñ se saḳht barham thā

hamārī zindagī kahne kī had tak zindagī hai bas
ye shīrāza bhī dekhā jaa.e to barham hai barsoñ se

kuchh maiñ nahīñ us dil kī pareshānī kā baa.is
barham hī mire haath lagā thā ye risālā