Tags-Barham

thā jahāñ ye kuchh ayaañ vaañ inqalāb-e-daur se
yak mizha barham zadan meñ kuchh na thā vīrāna thā

aa.ine pe jo guzarnā ho guzar jaa.e magar
aap yūñhī zulf-e-barham ko sañvāre jā.iye

sitam ye hai ki un kā jaur-e-paiham kam nahīñ hotā
mizāj-e-ishq is par bhī kabhī barham nahīñ hotā

mutma.in koī nahīñ hai us se
koī barham hai to ḳhā.if koī

aman-e-sāhil hai jo tuġhyānī-e-barham kā ilaaj
phir to mushkil nahīñ insāñ ke kisī ġham kā ilaaj

ye havā kaisī chalī barham zamāna ho gayā
hāl-e-dehlī bazm-e-ālam meñ fasāna ho gayā

kitne barham dikhā.ī dete haiñ
'shād' ne aap se kahā kyā hai

jo chhū lī zulf-e-pur-ḳham maiñ ne barham ho ga.e mujh se
hañsī kī baat thī sāhab magar tum ko itaab aayā

donoñ aalam bhī muḳhālif hoñ to kyā
mutma.in huuñ maiñ ki tū barham nahīñ

pasand aa.ī ġhazal ko 'mīr' kī āshufta-sāmānī
tirā rāz-āshnā ai zulf-e-barham ho gayā rusvā

mujh se nazar na pher ki barham hai zindagī
mujh se nazar milā ki tabī.at udaas hai

kisū ke baal darham dekhte 'mīr'
huā hai kām-e-dil barham hamārā

tā-kujā āh-e-zer-e-lab āḳhir
intihā-e-sukūt barham kyā

jo kārvāñ meñ rahe mīr-e-kārvāñ ke qarīb
na jaane kyuuñ vo palaT aa.e aur barham aa.e

qabā pahante jo barham huā vo chust-qabā
diyā hai chīn-e-jabīñ ne bhī saath silvaT kā

sazā-e-ishq ba-qadr-e-gunāh nā-mumkin
yahī bahut hai ki barham mizāj-e-yār rahe

dil meñ taaza ġham-e-āshiyāñ hai abhī mere nāloñ se barham na sayyād ho
dhīre dhīre ye aañsū bhī tham jā.eñge rafta rafta ye dil bhī bahal jā.egā

tamām anjuman-e-vāz ho ga.ī barham
liye hue koī yuuñ sāġhar-e-sharāb aayā

isī pe shahr kī saarī havā.eñ barham thiiñ
ki ik diyā mire ghar kī muñDer par bhī thā