Tags-Barham

barham hai jahāñ ajab talātum hai aaj
sab rote haiñ duniyā meñ ḳhushī gum hai aaj

fanā ke ba.ad miltā hai sukūn-e-rāhat-e-manzil
jahāñ shīrāza-e-hastī kabhī barham nahīñ hotā

ai 'zafar' na chhoḌegā vo mujhe duā denā
yuuñ to hai vo barham sā yuuñ to vo ḳhafā sā hai

ḳhud us kī zindagī ab us se barham hotī jaatī hai
unheñ hogā bhī pās-e-ḳhātir-e-'qābil' to kyā hogā

tujh se barham huuñ kabhī ḳhud se ḳhafā
kuchh ajab raftār hai tere baġhair

āshiyāne kā ab ḳhudā-hāfiz
bāġhbāñ kā mizāj barham hai

aaj un kā mizāj barham hai
yā muqaddar meñ ek nayā ḳham hai

junūñ ke dam se hai nazm-e-do-ālam
junūñ barham-zan-e-afkār bhī hai

haiñ kāmyābī pe hāsid shikast par barham
batāo aise mizājoñ kā kyā kiyā jaa.e

un ke gesū haiñ zamāne par mukammal tabsira
bārhā ārāsta ho kar jahāñ barham huā

Thukrā kar naash har iisā kahtā hai naaz se ho barham
uTh jald khaḌe haiñ der se ham kin nīndoñ ġhāfil sotā hai

haañ merī ye uljhan to har dil meñ khaTaktī hai
kuchh muḌ ke koī zulf-e-barham se nahīñ kahtā

tū kis liye nārāz huā ahl-e-vafā se
duniyā to hamesha se hai barham use kahnā

tumhāre ruuTh ke jaane se ham ko aisā lagtā hai
muqaddar ham se barham hai kabhī milne chale aao

barham hoñ bijliyāñ ki havā.eñ ḳhilāf hoñ
kuchh bhī ho ehtamām-e-gulistāñ kareñge ham

bole hasan ki vaah hameñ aur kareñ na pyaar
iqrār ke chuke haiñ shahanshāh-e-nām-dār

muddat se hai dil barham sohbat se nahīñ mahram
āzād haiñ ghar se ham mehmāñ kise kahte haiñ

har ek haath meñ patthar kahāñ se ā.eñge
tamām shahr to barham dikhā.ī detā hai

tum ko jahān-e-shauq-o-tamannā meñ kyā milā
ham bhī mile to darham o barham mile tumheñ

chheḌ denā ho gayā 'shañkar' sitam
zulf un kī aur barham ho ga.ī