Tags-Barham

kuchh to hassās ham ziyāda haiñ
kuchh vo barham ziyāda hotā hai

uThāyā nāz-e-rahbar bhī junūñ bhī aazmā dekhā
magar barham nizām-e-kārvāñ yuuñ bhī hai aur yuuñ bhī

tujh se mil ke bhī terā intizār rahtā hai
sub.h rū-e-ḳhandāñ se shaam zulf-e-barham tak

ho gayā sayyād barham ai asīrān-e-qafas
band ab ye nāla-o-fariyād varna par chale

isī pe shahr kī saarī havā.eñ barham thiiñ
ki ik diyā mire ghar kī muñDer par bhī thā

zulfeñ kholīñ to tū Tuk aayā nazar
umr bhar yaañ kām-e-dil barham rahā

kal faqat gesū-e-barham the nishān-e-tashvīsh
aaj dekhā to unheñ aur pareshāñ paayā

vo machā hai ġhul ki barham ho ga.ī haiñ sūrateñ
kaun kis kis se ye pūchhegā ḳhatā kaise huī

uTTheñge jab vo sohbat se
barham hogī sohbat kaisī

kaun barham hai zulf-e-jānāñ se
tañg huuñ ḳhātir-e-pareshāñ se

marā haal darham na ho is qadar
jo zulf-e-siyah us kī barham na ho

kam-māya mor mā.il-e-parvāz kyuuñ hue
barham bahut mizāj-e-sulaimāñ hai in dinoñ

kāfir kāfir sargoshī
barham sargarm havā kī

barham vo shoḳh kyuuñ na ho kyuuñ zulf ko chhuā
ye haath hathkaḌī ke sazā-vār ho chukā

ulTā safoñ ko teġh ne abrū-e-yār kī
tīr-e-mizha se darham-o-barham pare hue

be-talab miltī raheñ yuuñ to hazāroñ nemateñ
the talab kī aas meñ barham to kyā sābit huā

sun pareshāniyoñ ko zulf tirī
huī barham kaheñ to kis se kaheñ

jahāñ se dekho fasāna-e-ġham banī huī iztirāb-e-paiham
hoñ terī nazreñ bhī jis se barham kareñge kyā aisī zindagī kā

na ho barham jo bosa be-ijāzat le liyā maiñ ne
chalo jaane do betābī meñ aisā ho hī jaatā hai

ye pīrān-e-jahāñ is vāste rote haiñ ab har dam
ki kyā kyā in kā hañgāma huā barham javānī kā