Tags-Barham

vasl kī shab barham hī rahā vo tā-ba-sahar uljhā hī kiyā vo
bal na gayā abrū se us kī zulf bhī ham ne suljhā dekhī

vo zulf mujh pe hai be-vaj.h rāt-din barham
kisī tarah se na baḌhtī nahīñ itaab ke din

nasīm-e-be-niyāzī aa rahī hai bām-e-gardūñ se
urūs-e-mudda.ā kī zulf barham hotī jaatī hai

tum to sirf ik diid kī hasrat pe barham ho ga.e
kam se kam puurī to sunte dāstān-e-ārzū

tujh se barham huuñ kabhī ḳhud se ḳhafā
kuchh ajab raftār hai tere baġhair

barham-zan-e-hijāb hai ḳhud-raftagi-e-husn
ik shān-e-be-ḳhudī hai zuleḳhā kaheñ jise

ye mumkin hai tumhārā aks hī barham ho chehre se
ise tum aa.ine kī sargirānī kyuuñ samajhte ho

ahl-e-vahshat se ye taz.īn-e-jahāñ kyā hotī
ye salīqa bhī tire gesū-e-barham se milā

kitne barham the 'farah' TuuT ke jab bikhre the
āj-kal ham bhī shikāyāt nahīñ karte haiñ

mujh se bhī ḳhafā ho mirī aahoñ se bhī barham
tum bhī ho ajab chiiz ki laḌte ho havā se

sub.h ko shab ke satāne kā gila-shikva abas
jab pareshāñ gesū-e-barham nahīñ to kuchh nahīñ

barham-zan-e-shīrāza-e-ayyām hamīñ haiñ
ai dard-e-mohabbat tirā anjām hamīñ haiñ

chhā rahī haiñ ghaTā.eñ sāvan kī
zulf-e-gardūñ bhī aaj barham hai

nigāh-e-shauq kā baḌh kar naqāb-e-ruḳh uThā denā
tire jalve kā barham ho ke ik bijlī girā denā

na nazar kī dīda-varī rahī na jigar kī be-jigarī rahī
magar ahl-e-da.ava-e-shauq se tirī barham-e-nāz bharī rahī

mizāj-e-yār ho jaa.e na barham
na ai 'anjum' bahut fariyād kiije

barham kabhī qāsid se vo mahbūb na hotā
gar naam hamārā sar-e-maktūb na hotā

nasīm-e-sub.h kī aTkheliyoñ se barham hai
chaman meñ phuul ke chehre pe ishti.āl ko dekh

rahegī 'vajd' tirī kā.enāt-e-dil barham
kahā thā kis ne ki us husn-e-be-misāl ko dekh