Tags-Barham

shoḳh ne barham nizām-e-mahfil-e-imkāñ kiyā
ḳhaak ne chheḌā hai gardūñ ne liyā hai thaam raqs

gulshan-e-husn-e-yār meñ karte haiñ jo talāsh-e-kaif-o-sukūñ
laakh hai barham nazm-e-do-ālam zulf meñ nik.hat aaj bhī hai

ek hī aah meñ barham hai nizām-e-ālam
apne nāloñ meñ vo tāsīr liye baiThe haiñ

tahammul apnī fitrat meñ hai shāmil vo kabhī 'hassān'
mizāj apnā zarā sī baat par barham nahīñ karte

ye mumkin kis tarah hogā ki apne shahr meñ logo
ḳhafā koī nahīñ hogā koī barham nahīñ hogā

abhī nahīñ abhī zanjīr-e-ḳhvāb barham hai
abhī nahīñ abhī dāman ke chaak kā ġham hai

ai mohabbat maiñ tirī betābiyoñ ko kyā karūñ
baḌh ke chashm-e-yār se barham mizāj-e-dahr hai

saath huuñ tere ai ġham-e-daurāñ
zulf-e-jānāñ agarche barham hai

umañD rahī haiñ ghaTā.eñ ki zulf barham hai
chhalak rahā hai jo ḳhum hai ki aañkh pur-nam hai

barham hai bazm-e-ġhuncha ba-yak-junbish-e-nashāt
kāshāna bas-ki tañg hai ġhāfil havā na maañg

'hamīd' achchhā huā ḳhvāb-e-tilism-e-ārzū TuuTā
ki ye mahfil na ho jaatī barham to kyā karte

anjām-e-vafā bhī dekh liyā ab kis liye sar ḳham hotā hai
nāzuk hai mizāj-e-husn bahut sajde se bhī barham hotā hai

zindagī se zindagī rūThī rahī
aadmī se aadmī barham rahā

ġham ki thā harīf-e-jāñ ab harīf-e-jānāñ hai
ab vo zulf-e-barham hai ab vo chashm-e-giryāñ hai

kabhī vo the mujh se barham kabhī mujh pe mehrbāñ the
ki 'figār' ishq merā kaḌe imtihāñ se guzrā

ham se barham raqīb se shādāñ
kahiye kahiye ye mājrā kyā hai

mere aate hī ho ga.e barham
kuchh kasī ke sikhā.e baiThe haiñ

barham bas is ḳhatā pe amīrān-e-shahr haiñ
in jauhaḌoñ ko maiñ ne samundar nahīñ kahā

zarā mere junūñ kī kāvish-e-tāmīr to dekheñ
jo bazm-e-zindagī ko darham o barham samajhte haiñ