Collections

Lab Shayari

Motivational Ghazals

Best Khamoshi Shayari

More Collections

Tags-Barish

kahāñ jaatī haiñ bārish kī duā.eñ
shajar par ek bhī patta nahīñ hai

mere andar jo andesha nahin hai

maiñ zahr rahī har shaam rahī
bārish kī havā badnām rahī

main zahr rahi har sham rahi

koī umiid kī bārish kā ehtimām karo
maiñ jal rahā huuñ ġham-o-yās kī chitāoñ meñ

sulag uThi hai koi aag si hawaon mein

khaḌī thī mere liye āñsuoñ kī bārish meñ
so terī yaad se milnā gavārā karnā paḌā

bigaDta zaKHm-e-hunar aashkara karna paDa

rahtī hai shab-o-roz meñ bārish sī tirī yaad
ḳhvāboñ meñ utar jaatī haiñ ghanghor sī āñkheñ

rahti hai shab-o-roz mein barish si teri yaad

bārish huī ġhamoñ kī to āñkhoñ kī siip meñ
aañsū kā qatra palkoñ se girte sambhal gayā

gham ka pahaD mom ke jaise pighal gaya

sarsabz dil kī koī bhī ḳhvāhish nahīñ huī
vo hai zamīn-e-dil jahāñ bārish nahīñ huī

sarsabz dil ki koi bhi KHwahish nahin hui

āsmāñ se saroñ kī bārish thī
goyā achchhe nasīb sā din thā

aaj ka din ajib sa din tha

ye āñkheñ surḳh sī kyuuñ ho rahī haiñ
kisī kī yaad kī bārish huī kyā

batao maut kya hai zindagi kya

tamām raat nahāyā thā shahr bārish meñ
vo rañg utar hī ga.e jo utarne vaale the

tamam raat nahaya tha shahr barish mein

ahl-e-dil par bārish-e-lutf-e-nigāh-e-dil-navāz
mehrbāñ hai ishq par chashm-e-nigārāñ in dinoñ

naghma-e-zanjir hai aur shahr-e-yaran in dinon

gandum kā har daana paanī piitā hai
maiñ mehnat kī itnī bārish kartā huuñ

dhaDkan ho kar dil se sazish karta hun

aur phir yuuñ huā āñkhoñ ne lahu barsāyā
yaad aa.ī koī bārish meñ bitā.ī huī raat

waqt ki taq pe donon ki sajai hui raat

kyā kareñ le ke aisī bārish ko
rañg phūloñ kā jis meñ dhul jaa.e

band kamre mein dam na ghuT jae

mausamoñ meñ huī hai sāzish phir
dhuup meñ ho rahī hai bārish phir

mausamon mein hui hai sazish phir

aise sahrā se na rishta ban jaa.e
ek bārish meñ jo dariyā ban jaa.e

aise sahra se na rishta ban jae

hai mirī changul-e-vahshat se garebāñ nāzāñ
aur mirī bārish-e-ashkoñ se hai dāmāñ nāzāñ

qaid-e-dil se hai meri kakul-e-pechan nazan

bārish ke ghanghor havāle gintā rahtā huuñ
lamha lamha bādal kaale gintā rahtā huuñ

barish ke ghanghor hawale ginta rahta hun

kal bhī bārish huī thī
aaj bhī bārish hogī

barish

ā.ankhoñ kī pyāliyoñ meñ bārish machī huī hai
sahrā meñ koī manzar shādāb aa rahā hai

hai shor sahilon par sailab aa raha hai