Tags-Barish

taaza ḳhabar meñ ham ne paḌhā hai ye dosto
bārish thī pattharoñ kī magar zaḳhm-e-sar na thā

chhāñv kī dhuup aur bārish meñ hai khultī ahmiyat
sar chhupāte haiñ jahāñ saaya zarā paate haiñ log

har pattī bojhal ho ke girī sab shāḳheñ jhuk kar TuuT ga.iiñ
us bārish hī se fasl ujḌī jis bārish se tayyār huī

bārish-e-sañg-e-malāmat aur ḳhilqat shahr kī
pyaar ke māsūm jazboñ kā lahū maiñ aur tū

abr mat ham-chashm honā chashm-e-dariyā-bār se
terī bārish aur hai aur us kī bārish aur hai

ba-rañg-e-shīsha-e-mai ab kī fasl-e-bārish meñ
kareñge baiTh ke kashtī meñ sair-e-jū-e-sharāb

us ke shahr kī bārish meñ
phuul baraste rahte haiñ

hamīñ aaj haq se bhī mahrūm haiñ
hamīñ par thī bārish murā.āt kī

chhat pe badlī jhukī sī rahtī hai
kab se bārish thamī sī rahtī hai

bārish meñ ahd toḌ ke gar mai-kashī huī
tauba marī phiregī kahāñ bhīgtī huī

darīche meñ khaḌī bārish ko
saḌkoñ par baraste dekhtī huuñ

kitnī dilkash haiñ ye bārish kī phuvāreñ lekin
aisī bārish meñ mirī jaan bhī jā saktī hai

us kā lahja hai ki bahtī huī naġhmoñ kī nadī
jaise ilhām kī bārish ho suḳhan se us ke

pahlī bārish hī le ga.ī 'fārūq'
rañg saare ke saare kachche the

bādal kī dhutkārī bārish
rotī phirtī hai

ā.ankhoñ kī pyāliyoñ meñ bārish machī huī hai
sahrā meñ koī manzar shādāb aa rahā hai

ye hai vāraftagī-e-shauq kā aalam 'sardār'
bārish-e-sañg hai aur bād-e-sabā māñgte haiñ

hāsidoñ ke maiñ ta.anoñ kā suntā rahā, reza reza vajūd apnā chintā rahā
bārish-e-sañg meñ bhī na pīchhe haTā, maiñ ne us dil ko patthar kā ghar kar liyā

tapte sahrāoñ pe ho lutf-o-karam kī bārish
ḳhushk chashmoñ ke kināroñ ko bhī paanī de de

qaus-e-quzah kī bārish meñ ye jazboñ kī muñh zor havā
mauj uḌāte bal khāte dariyā kī ravānī lagtī thī