Tags-Barish

kal tire ehsās kī bārish tale
merā sūnā-pan nahāyā der tak

dam-e-habāb navāzish kī is qadar bārish
gunāhgār bhī jaise gunāhgār nahīñ

chehra bhī āñsuoñ se tar-o-tāza ho gayā
bārish ke ba.ad sabza-o-gul bhī hue na.e

saarā aalam bhiig rahā thā bārish meñ
apne apne zarf meñ, apnī ḳhvāhish meñ

bārish ke do bhīge tan par
dhuup utarne vaalī thī

jahān-e-zindagī kī qudratī tasvīr haiñ donoñ
kahīñ sūkhā paḌā hai aur kahīñ bārish barastī hai

muflis kī to majbūrī hai sardī garmī bārish kyā
roTī kī ḳhātir saare ġham sahte haiñ to sahne do

vo raat vo bārish tūfānī us raat kā manzar yaad to kar
vo ik duuje ko mīThī Dish kyā tum ko khilānā yaad nahīñ

dil Duub jā.egā mirā bārish meñ pyaar kī
sailāb-e-ishq aane kī shāyad shunīd hai

ajiib shaḳhs thā bārish kā rañg dekh ke bhī
khule darīche pe ik pūl-dān chhoḌ gayā

jab bache shāḳhoñ par palte hoñ bārish kā kyā ḳhauf
haañ bārish sāgar kā pahlā harkāra hai

gard-ālūd darīda chehra yuuñ hai maah o saal ke ba.ad
jaise falak bārish se pahle jaise zamīñ bhauñchāl ke ba.ad

ḳhush na ho āñ.suoñ kī bārish par
barq hai chashm-e-tar ke pahlū meñ

kyā ġhazab kī bārish hai
āñkheñ sūjne aa.iiñ

jab jaañ pe lab-e-jānāñ kī mahak ik bārish manzar ho jaa.e
ham haath baḌhā.eñ aur is meñ mahtāb gul-e-tar ho jaa.e

jis din mujhe maut aa.e
us din bārish kī vo jhaḌī lage

shabnam kī jagah aag kī bārish ho magar ham
'mansūr' na māñgeñge duā aur tarah kī

ham se pūchho mizāj bārish kā
ham jo kachche makān vaale haiñ

lamhoñ ke rezoñ kī
halkī bārish meñ

kahāñ jaatī haiñ bārish kī duā.eñ
shajar par ek bhī patta nahīñ hai