Tags-Barish

jab bhī bādal bārish laa.e shauq-jazīroñ se
ḳhosha ḳhosha harf kī beleñ bhar ga.iiñ hīroñ se

din imtihāñ ke bārish ne rāste meñ gherā
peḌoñ ke nīche dubkā chhatrī na lā sakā thā

bārish kā jab pahlā qatra aa.e
shor machā.e

peḌ patte jal ke ḳhākistar hue
dosto vo bārish-e-rahmat na thī

taar bārish kā na TuuTe baj uTheñ tār-e-junūñ
āfrīñ dāmān-e-dil bhī taar hai barsāt meñ

bārish-e-girya ke hai saath havā āñkhoñ kī
ḳhāna-e-dil kī ḳharābī ke ye āsār haiñ sab

use kaho ki gurezāñ na yuuñ rahe mujh se
maiñ ehtiyāt kī bārish meñ jal bhī saktā huuñ

maiñ bhiig bhiig gayā aarzū kī bārish meñ
vo aks aks meñ taqsīm chashm-e-tar se huā

ye manhūs bārish
javāñ-sāl gehūñ ke dānoñ ko

nafas nafas pe yahāñ rahmatoñ kī bārish hai
hai bad-nasīb jise zindagī na raas aa.ī

merī aaheñ haiñ dalīl-e-girya-e-be-intihā
jitnī āñdhī aa.e bārish ho sivā barsāt meñ

bārish ke thamte āñgan meñ
shajar shajar bah jaatī chiḌiyā

maiñ ne panāh dī tujhe bārish kī raat meñ
tū jaate jaate aag mire ghar meñ Daal de

kahāñ ruke the vo kyā shajar the ki jin ke saa.e meñ ham khaḌe the
vo dhuup kaisī thī jis kī bārish se mere sahrā hare hue haiñ

aaj ghaTā afsurda kartī hai ham ko
ham bārish meñ ḳhuub nahāyā karte the

jīvan paikar dhul jā.eñge jis meñ gunāh o savāb samet
aañsū paidā kar hī deñge aisī bārish kā imkān

anvār kī bārish thī sar-e-manzil-e-taiba
har manzil-e-ḳhush dekh ke aatā thā ḳhudā yaad

us ne bārish meñ chalnā shurūa kar diyā
koī us ke aañsū

'charlie-chaplin' ne kahā
use bārish meñ chalnā pasand hai

ġham kī bārish ne bhī tere naqsh ko dhoyā nahīñ
tū ne mujh ko kho diyā maiñ ne tujhe khoyā nahīñ