Tags-Aaina

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ

kuchh ḳhabar na thī mujh ko khil rahā hai koī gul
bas havā kā ā.īna dekh hī liyā maiñ ne

mujh meñ apnī hī sūrat dekhne lage haiñ sab
jaane kab banā Daalā ḳhud ko ā.īna maiñ ne

kuchh phuul shagufta mire hoñToñ pe saje haiñ
ā.īna mujhe dekh ke hairāñ bhī nahīñ thā

apnī nigah ke ā.īne sūraj ko sauñp kar
ham ne bhī kā.enāt ko ā.īna-gar diye

merī sūrat ye dikhā.e bhī to kaise mujh ko
mere baare meñ ye ā.īna bhī kyā jāntā hai

sab ko 'nazīr' sonā hai ek din ba-zer-e-ḳhāk
sañg-e-mazār us ke haiñ ā.īna-dār-hā

ahl-e-jahāñ ke kufr o tavahhum kā kyā ilaaj
ā.īna kah rahā hai ki ā.īna-sāz thā

dard mahjūrī kā ā.īna hai apne rū-ba-rū
jab nazar aayā na to apnā tamāshā kar liyā

har ek zarre meñ har fazā meñ vo husn ban kar samā rahe haiñ
hamārī tāb-e-nigāh ko vo har ā.īna aazmā rahe haiñ

ilm kā dam bharnā chhoḌo bhī aur amal ko bhuul bhī jaao
ā.īna-ḳhāne meñ ho sāhib fikr karo hairānī kī

lipaT rahī hai fasīl kī burjiyoñ se ik shahr kī nigāheñ
aur ek dīvār-e-ā.īna par jhukā huā hai charāġh merā

ā.īna saaf sikandar ko dikhāyā tū ne
ḳhuub ai ḳhizr tujhe raah batā aatī hai

jo tasavvur meñ hai us ko koī kyā raushan kare
aks-e-gum-gashta ko kaise ā.īna raushan kare

banā liyā hai ik ā.īna apne dil ko 'shahīd'
mujhe to shahr meñ ab koī bevafā na lage

ulajhte ho tum agar dekhte ho ā.īna
jo tum se shahr meñ hoñ ek do to kyūñkar ho

mire vajūd ko rahne de sañg kī sūrat
kisī nazar meñ to ā.īna hogī zaat mirī

har zarra meñ har phuul meñ ā.īna paḌā hai
har samt tire aks kā mahshar sā bapā hai

bas ik ḳhatā kī musalsal sazā abhī tak hai
mire ḳhilāf mirā ā.īna abhī tak hai