Tags-But

ye but-kade ye kalīsā ye masjideñ ye haram
ye sab fareb haiñ aur ek sañg-e-dar ke fareb

ai barhaman ik din but-e-pindār ko apne
toḌ aur charāġh-e-dar-e-but-ḳhāna banā de

shahr-e-ehsās thā vo ḳhud bhī 'nigār'
but-kada dil kā jo Dhāyā maiñ ne

yuuñ na maqbūl huā hogā kisī kā sajda
but ko armān rahā merī jabīñ-sā.ī kā

dikhā us but ko phir bhī yā ḳhudāyā
tirī qudrat-numā.ī ho chukī bas

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

muñh un kā nahīñ hai shukr varna
har but kahtā ki maiñ ḳhudā huuñ

kisī hindū musalmāñ ne ḳhudā ko
na ka.abe meñ na but-ḳhāne meñ dekhā

zāhid burā na māneñge is bad-duā se ham
hoñ but-parast chāhte haiñ ye ḳhudā se ham

har but evaz-e-qumquma dil maañg rahā hai
is saal kī vallāh ki be-rañg hai holī

mujhe azāb-e-jahannam ki but-parast huuñ maiñ
vo but bahisht meñ da.avā jise ḳhudā.ī kā

huī to jā dil meñ us sanam kī namāz meñ sar jhukā jhukā kar
haram se but-ḳhāne tak to pahuñchā ḳhudā ḳhudā kar ḳhudā ḳhudā kar

toḌ ke rakh diye baaqī to anā ne saare
but bas ik apnā hī mismār kiyā jaanā hai

uljhā huā hai chanda-o-schōl meñ har ek
ab kahāñ tak but-kade meñ sarf-e-īmāñ kījiye

kaTī hai goyā shab-e-javānī bas aan pahuñchī hai sub.h-e-pīrī
bahut sī kī tū ne but-parastī ab ek do din ḳhudā ḳhudā kar

paḌī thī dil kī zamīñ jaane kab se be-masraf
ab us meñ yādoñ ke but īstāda karte haiñ

mujh dil meñ hai jo but kī parastish kī aarzū
dekhī nahīñ vo aaj talak barhaman ke biich

parastish kī yaañ tak ki ai but tujhe
nazar meñ sabhoñ kī ḳhudā kar chale

zau-fishāñ hone lagā jab dil meñ husn-e-ḳhud-numā
phir to kaaba 'ārzū' kaaba na thā but-ḳhāna thā

but-parastoñ kuuñ hai īmān-e-haqīqī vasl-e-but
barg-e-gul hai bulbuloñ kuuñ jald-e-qur.ān-e-majīd