Tags-But

zarre zarre pe jaḌe hoñge kuñvāre sajde
ek ik but ko ḳhudā us ne banāyā hogā

ka.abe meñ musalmān ko kah dete haiñ kāfir
but-ḳhāne meñ kāfir ko bhī kāfar nahīñ kahte

ġham-kade vo jo tire gaam se jal uThte haiñ
but-kade vo jo mire naam se jal uThte haiñ

kahīñ masjid kahīñ but-ḳhāna hai vo
kahīñ kufr o kahīñ īmāñ huā hai

ham ġharīboñ ko na is bazm se uThvā ai but
sohbat-e-ām meñ ḳhāsān-e-ḳhudā hote haiñ

tum ne kyuuñ dil meñ jagah dī hai butoñ ko 'sābir'
tum ne kyuuñ kaaba ko but-ḳhāna banā rakkhā hai

ek dil hai ki ujaḌ jaa.e to bastā hī nahīñ
ek but-ḳhāna hai ujḌe to haram hotā hai

jaan kar ham nahīñ lagāte dil
dil se har but qarīb hai ḳhud hī

prem-pujārī mandir mandir dil kī kathā kyuuñ gaate ho
but saare patthar haiñ pyāre sar patthar se māroge

ham kaun qalandar the ki jā milte ḳhudā se
par ik but-e-kāfir kī duā le ga.ī ham ko

ham bhī ik but kī parastish ke liye betāb haiñ
kaun jaane kab mohabbat kā sanam-ḳhāna mile

tum ne kyuuñ dil meñ jagah dī hai butoñ ko 'sābir'
tum ne kyuuñ kaaba ko but-ḳhāna banā rakkhā hai

shumār-e-sub.ha marġhūb-e-but-e-mushkil-pasand aayā
tamāshā-e-ba-yak-kaf burdan-e-sad-dil-pasand aayā

ġhaznavī huuñ aur giraftār-e-ḳham-e-zulf-e-ayāz
but-shikan huuñ aur dil meñ but-kada rakhtā huuñ maiñ

amiir laakh idhar se udhar zamāna huā
vo but vafā pe na aayā maiñ be-vafā na huā

ai but ye hai namāz ki hai ghaat qatl kī
niyyat adā kī hai ki ishāre qazā ke haiñ

parastish hī meñ shab āḳhir huī hai
hamāre paas vo but jab rahā hai

gale se aa ke lipaT jā ḳhudā ko maan o but
hai aaj tujh pe bhī jauban urūj-e-māh bhī hai

jo but-ḳhāne meñ tujh ko soch leñ to
bhaTak jaate haiñ rasta bandagī meñ

ham ne kahā jab nāz-e-butāñ ke tum to bahut kaam aa.e 'nazīr'
sun ke kahā kyā aa.e jī haañ kuchh but ke muāfiq kaam kiyā