Tags-But

sā.il-e-bosa haiñ un ko dekh chashm-e-qahr se
aañkh ke Dheloñ se ai but ḳhātir-e-aġhyār toḌ

māne-e-mastī ko bad-mastī dikhānā chāhiye
mohtasib kā shīsha-e-dil ai bu-e-mai-ḳhvār toḌ

kibr bhī hai shirk ai zāhid muvahhid ke huzūr
le ke tesha ḳhāksārī kā but-e-pindār toḌ

bajā hai tujh se ai but ḳhalq ko da.avā mohabbat kā
ḳhudā vāhid hai par har shaḳhs kahtā hai hamārā hai

apnī sanjīda ravish aur udāsī chhoḌūñ
ġham ke asnām ko but-ḳhāna-e-dil meñ toḌūñ

kabhū tū bhī hogā musalmān ai but
sadā terā jhūTā hī paiġhām hogā

ai sabā kah bahār kī bāteñ
is but-e-gul-ezār kī bāteñ

sajda pāband-e-ta.ayyun to nahīñ dīvāne
hai agar bāb-e-haram band to but-ḳhāna sahī

zikr-e-ka.aba na sahī qissa-e-but-ḳhāna sahī
husn-e-tafhīm salāmat koī afsāna sahī

but-ḳhāne nayan tere hor but nayan kiyāñ putliyāñ
muj nayan meñ pujārī puujā adhān hamārā

ka.aba o but-ḳhāna aarif kī nazar se dekhiye
ḳhvāb donoñ ek hī haiñ farq hai ta.abīr meñ

zaḳhmoñ ke bayābāñ meñ koī phuul na patthar
yādoñ ke jazīre meñ na but haiñ na ḳhudā hai

ai but jo shab-e-hijr meñ dil thaam na lete
kalma meñ bhī hotā to tirā naam na lete

jo but patthar haiñ to ka.abe meñ kyā juz-ḳhāk-o-patthar haiñ
bahut bhūlā hai vo is farq meñ sar jis ne maarā hai

tavajjoh tirī o but-e-bevafā
mirā kaam āḳhir ko kar jā.egī

fitne bahut haiñ but-kada o ḳhānqāh meñ
achchhe rahe jo dasht-e-junūñ meñ paḌe rahe

darpai hue haiñ jaan ke īmāñ to le chuke
but karte haiñ sitam mire parvardigār dekh

dil pā.emāl karne the raftār-e-nāz ko
ye chaal tujh se o but-e-bad-zāt rah ga.ī

'momin' vo ġhazal kahte haiñ ab jis se ye mazmūn
khul jaa.e ki tark-e-dar-e-but-ḳhāna kareñge

rakhtā hai kuchh aisī vo barahman bacha raftār
but ho gayā dhaj dekh ke jis kī ba-ḳhudā maiñ