Tags-But

vo merā but thā jis ko maiñ ne apne haath se toḌā
ki barsoñ kī ye mehnat ek lamhe meñ akārat kī

fareb-e-husn se gabr-o-musalmāñ kā chalan bigḌā
ḳhudā kī yaad bhūlā shaiḳh but se barhaman bigḌā

adā-e-parda-nashīnī kī shaan kahtī hai
vo but hai to bhī use ham ḳhudā kaheñ apnā

begāna yagāna hai dil ā.ina-ḳhāna hai
ka.abe kā ye ka.aba hai but-ḳhāne kā but-ḳhāna

patthar paḌeñ donoñ par ka.aba ho ki but-ḳhāna
donoñ se kahīñ achchhā dīvāne kā parvāna

tārīf roz lete ho apne ġhurūr kī
mujh ko barahman-e-but-e-pindār kar diyā

kitnā mushkil thā kisī but kī parastish karnā
maiñ to kāfir bhī musalmān thā tum jānte the

ai but jafā se apnī liyā kar vafā kā kaam
bandoñ ke kaam aa ki yahī hai ḳhudā kā kaam

us but ke bahr-e-husn meñ dil ko Duboiye
is kashtī-e-hayāt ko yuuñ paar utāriye

sajde tire kahne se maiñ kar luuñ bhī to kyā ho
tū ai but-e-kāfir na ḳhudā hai na ḳhudā ho

o but na sunegā koī merī
kyā terī hī ho ga.ī ḳhudā.ī

vo haram ho yā ki ho but-kada ki vo sañg-e-dar ho habīb kā
jahāñ terī yaad na aa sake vahāñ sajda karnā harām hai

qatl ushshāq kiyā karte haiñ
but kahāñ ḳhauf-e-ḳhudā karte haiñ

tum to ai mehrbān anūThe nikle
jab aan ke paas baiThe rūThe nikle

zi-bas kāfir-adāyoñ ne chalā.e sañg-e-be-rahmī
agar sab jam.a kartā maiñ to but-ḳhāne hue hote

ahl-e-haq bhī yahīñ mil jā.eñge uTh to 'nātiq'
haq kī āvāz to but-ḳhāna-e-bātil se uThā

zehn-e-āzar hai ḳhvāb-gāh-e-jumūd
fikr-o-fan ke haiñ but-kade ḳhāmosh

allāh apne rashk kā darja bhī ab nahīñ
kis kis jagah gayā but-e-pur-fan ke saath saath

but-parastī ke sanam-ḳhāne kā āsār na toḌ
ka.aba-e-dil mirā mast-e-mai-e-pindār na toḌ