Tags-But

ham to mas.hūr the shiddat ke sabab bol uThe
vo but-e-sañg bhī mumkin hai ki ab bol uThe

hai kaam sute matlab bar aave kisī Dhab se
ka.aba jo huā to kyā but-ḳhāna huā to kyā

jaan jaanī hai mirī ai but-e-kam-sin tujh par
mar hī jā.ūñgā galā kaaT ke ik din tujh par

darvāze pe us but ke sau baar hameñ jaanā
apnā to yahī kaaba apnā to yahī haj hai

vaq.at-e-mai-ḳhāna bhī apnī jagah kuchh kam nahīñ
qābil-e-tāzīm go ka.aba bhī but-ḳhāna bhī hai

go apne paas ek nazar ke sivā na thā
ham har but-e-hasīñ ke ḳharīdār ho ga.e

kaisā ḳhulūs kis kī mohabbat kahāñ kā ishq
mahshar meñ dāman-e-but-e-ḳhud-sar hai aur ham

but-ḳhāne kī raah ko 'sulaimān'
chhoḌo tum aur rah-e-ḳhudā lo

dam-e-āḳhir but-e-bedard kā dāman chhūTā
mere hāthoñ se baḌī chiiz ḳhudā ne le lī

jaan kambaḳht mohabbat meñ bachā.e na bachī
but-e-kāfir se jo chhūTī to ḳhudā ne le lī

jaan ye kah ke but-e-hosh-rubā ne le lī
koī pūchhe to ye kahnā ki ḳhudā ne le lī

nazar sū-e-kāba hai dil but-kade meñ
ham andāz-e-ahl-e-haram dekhte haiñ

raqs-e-but-e-ġhuncha-lab kasrat-e-aish-o-tarab
koī ise kuchh kaho ham to samajhte haiñ ḳhvāb

na rakh ai dil tū ummīd-e-vafā in be-vafāoñ se
ḳhudā se hai vo begāna jo but ko āshnā jaane

purānī āstīn se purāne but karo rihā
na.ī zamīn par na.e ḳhudā ko mo'tabar karo

bazm meñ raat bahut sāda-o-pur-fan the vale
garmī-e-bazm kahāñ us but-e-ayyār baġhair

koī kyuuñ na garebāñ chaak kare ab dekh ke chhab ko us but kī
pinDe kā jhalaknā haa.e ḳhudā, cholī kī masak phir vaisī hī

huī muddat ki maiñ ne but-parastī chhoḌ dī zāhid
magar ab tak gale meñ dekh le zunnār baaqī hai

ziyārat hogī ka.abe kī yahī ta.abīr hai is kī
ka.ī shab se hamāre ḳhvāb meñ but-ḳhāna aatā hai