Tags-But

is but ko ḳhudā laayā hai ham paas vagarna
jiine kā hamāre koī uslūb na hotā

jaane is shahr kā meyār-e-sadāqat kyā hai
but bhī hāthoñ meñ liye phirte haiñ qur.ān yahāñ

mubtalā ek but kā hotā huuñ
aaj īmān apnā khotā huuñ

maiñ jā.ūñ ka.aba chhoḌ ke but-ḳhāna kyā zarūr
zāhid hai us kā jalva yahāñ bhī vahīñ nahīñ

patthar paḌeñ nasīb meñ mujh bad-nasīb ke
us but ke sañg dar pe jo terī jabīñ nahīñ

ḳhudā kā ghar hai but-ḳhāna hamārā dil nahīñ 'ātish'
maqām-e-āshnā hai yaañ nahīñ begāna aatā hai

ziyārat hogī ka.aba kī yahī ta.abīr hai is kī
ka.ī shab se hamāre ḳhvāb meñ but-ḳhāna aatā hai

shaiḳh to masjid meñ jaatā hai andar se dil kaalā hai
sachche aabid jahāñ khaḌe huuñ vo but-ḳhāna achchhā hai

bāñg-e-hamīr se kam vo na samjhā bas ki nafīs-mizāj thā yaar
nāqūseñ but-ḳhānoñ meñ har chand ba-sad taz.īn bajīñ

but kah diyā jo maiñ ne to ab bolte nahīñ
itnī sī baat kā tumheñ itnā ḳhayāl hai

'nazīr' vo but hai dushman-e-jāñ na miliyo us se tū dekh hargiz
vagar milā to ḳhudā hai hāfiz bache haiñ ham bhī ḳhudā ḳhudā kar

sach kah duuñ ai barhaman gar tū burā na maane
tere sanam-kadoñ ke but ho ga.e purāne

tavāf-e-ka.aba kiyā but-kada bhī dekh aa.e
sukūn-e-qalb yahāñ bhī nahīñ vahāñ bhī nahīñ

ka.abe meñ saḳht-kalāmī sun lī
but-kade meñ na kabhī ā.iyegā

shaiḳh-jī but kī burā.ī kiije
apne allāh se bharpā.iyegā

jagmagā uTThā añdhere meñ mirī aahaT se vo
ye ajab us but kā merī aañkh par jauhar khulā

ai shaiḳh ye jo māneñ ka.aba ḳhudā kā ghar hai
but-ḳhāna meñ batā tū phir kaun jalva-gar hai

jism ehsās ke chaTaḳh jaa.eñ
aise but kāñch kī dukān meñ rakh

karne chalī thī aql junūñ se mubāhise
patthar ke but meñ Dhal ga.ī pahle savāl par

na dekhā vo kahīñ jalva jo dekhā ḳhāna-e-dil meñ
bahut masjid meñ sar maarā bahut sā DhūñDā but-ḳhānā