Tags-But

chhoḌūñgā maiñ na us but-e-kāfir kā pūjnā
chhoḌe na ḳhalq go mujhe kāfar kahe baġhair

dar-ba-dar maarā phirā maiñ justujū-e-yār meñ
zāhid-e-ka.aba huā rahbān-e-but-ḳhāna huā

ab kahīñ koī Thikāna hī nahīñ juz kū-e-yār
murtad-e-ka.aba huā mardūd-e-but-ḳhāna huā

maiñ is ḳhayāl se jaatā nahīñ vatan kī taraf
ki mujh ko dekh ke us but kā jī burā hī na ho

jab dekhī us kī chīn-e-jabīñ yuuñ ham ne 'nazīr' us but se kahā
ḳhair aap to ham se nā-ḳhush haiñ ab aur ko ham jā dekheñge

us but ko apne dil meñ basāne se peshtar
paimā.ish-e-harārat-e-īmāñ kareñge ham

us but ko kahāñ pahuñcheñ but aazar ke tarāshe
haath apne se tayyār kare jis ko ḳhudā ghaḌ

show-case meñ rakkhā huā aurat kā jo but hai
gūñgā hī sahī phir bhī dil-āvez bahut hai

sāhir thā devtā thā koī but-tarāsh thā
patthar thī ek 'bāno' vo sīmāb kar gayā

laakh patthar sahī vo but 'anjum'
vo ghaḌī ham se mile tab dekheñ

koī but-ḳhāne ko jaatā hai koī ka.aba ko
phir rahe gabr-o-musalmāñ haiñ tirī ghaat meñ kyā

dil mujhe kufr āshnā na kare
banda but kā huuñ maiñ ḳhudā na kare

hai vo but ab to mahv-e-yaktā.ī
Dar ḳhudā kā na ho to kyā na kare

ye but-kada hai idhar aa.iye zarā 'bismil'
butoñ kī yaad meñ bande ḳhudā ke baiThe haiñ

ye but phir ab ke bahut sar uThā ke baiThe haiñ
ḳhudā ke bandoñ ko apnā banā ke baiThe haiñ

kaash us but ko bhī ham vaqf-e-tamannā dekheñ
barf kī sil se nikaltā huā sho.ala dekheñ

jahāñ meñ sad.hā hazār-hā ghar base jo the vo ujaḌ ga.e haiñ
na hogā vīrān ḳhāna-e-dil jahāñ vo but aa ke bas gayā hai

husn-e-sūrat pe na jā dekh vahīñ ma.anī ko
ek haiñ ka.aba-o-but-ḳhāna kahāñ hai kuchh aur

kyā kyā jafā.eñ us but-e-bad-kesh kī kahūñ
majlis meñ saikḌoñ hī musalmān bhar diye