Tags-Chaand

jis ke māthe pe mire baḳht kā taara chamkā
chāñd ke Dūbne kī baat usī shaam kī thī

chamak rahā hai jo chāñd ban ke
yahīñ se uTh kar gayā hai koī

chāñd baiThā huā hai pahlū meñ
qatra qatra pighal rahā huuñ maiñ

mere qadmoñ ke nishāñ chāñd pe raḳhshanda haiñ
aap aa jā.iye āvāra-e-manzil kī tarah

chāñd vīrān hai sadiyoñ se mire dil kī tarah
zindagī ġham hai ḳhalā meñ mirī manzil kī tarah

tire ġham se dil phir amiir ho koī chāñd nikle safīr ho
shab-e-dasht ho hai ye zindagī na nasheb hai na farāz hai

bast-o-kushād-e-bāzū kyā hai sāñsoñ kī halchal ke sivā
chāñd ghirā ho jab maujoñ meñ baḌhtī hai tuġhyānī aur

mahloñ meñ ham ne kitne sitāre sajā diye
lekin zamīñ se chāñd bahut duur ho gayā

koī jab chāñd sitāroñ se ho masrūf-e-suḳhan
kis qadar chāñd sitāroñ ko hañsī aatī hai

chāñd gardūñ ko mayassar hai sahar hone tak
raqs-e-darvesh tire baam pe aane tak hai

ai mohabbat meñ mujhe chāñd sā kahne vaale
mujh 'qamar' ko na samajh merī misāloñ jaisā

chāndnī dekh ke yaad aate haiñ kyā kyā vo mujhe
chāñd jab shab ko 'qamar' jalva-numā hotā hai

chāñd hotā na āsmāñ pe agar
ham kise aap sā hasīñ kahte

aa mire chāñd raat suunī hai
baat bantī nahīñ sitāroñ se

vo jin se farozāñ huā ik ālam-e-imkāñ
vo chāñd-sifat log 'rashīd' aaj kahāñ haiñ

ye devdār kī Tahnī pe tham gayā sā chāñd
havā chale to abhī karvaTeñ badalne lage

yak-ba-yak āñdhiyāñ uThne lagīñ har jānib se
aan kī aan maiñ gahnā gayā ummīd kā chāñd

tirā jamāl-e-dil-ārā rahe tasavvur meñ
guloñ kī bazm ki maiñ chāñd ke nagar meñ rahūñ

chāñd ke TukḌe bhī nazroñ meñ samā sakte nahīñ
kyā batā.eñ ham tire dar ke gadā kyuuñ ho ga.e

jhāñkte log khule darvāze
chāñd kā shahr bane darvāze