Tags-Chaand

chāñd taare aur jugnū aur mirā rañg-e-hunar
ya.anī us ko yaad karnā us ko paiham dekhnā

chāñd añgḌā.ī par añgḌā.ī lete haiñ joban ke beach
maddham maddham diip jale haiñ so.e so.e nayan ke beach

raat to pahle se thī jab baap sā sūraj na thā
chāñd sā bhaa.ī Dhalā aur raat gahrī ho ga.ī

mirī galī meñ ye aahaT thī kis ke qadmoñ kī
ye kaun chāñd se dāman bachā ke guzrā hai

zalīl hote haiñ aib haiñ ḳhud jo aib us meñ nikālte haiñ
unhīñ ke uupar hī ḳhaak paḌtī jo chāñd par ḳhaak Dālte haiñ

tere aane kī ḳhabar ne mujhe bechain rakhā
so gayā chāñd magar niiñd na aa.ī mujh ko

chāñd se nor-e-marmarīñ le kar
terā sīmīñ badan tarāsh liyā

ab nahīñ hai us kī khiḌkī ke tanāzur meñ bhī chāñd
ek pur-asrār mausam se guzar merā bhī hai

ek udaas chāñd se lagāo ke dinoñ kī yādgār hai
maiñ manzaroñ se sarsarī guzarne vaalā shaḳhs thā

bijlī sitāre chāñd shafaq aur dhuup chhāñv
kaise zamīñ ke barhana jañgal pe chhā ga.e

jin se insān ke zaḳhmoñ kā mudāvā na huā
aaj vo chāñd sitāroñ kī ḳhabar laa.e haiñ

nahīñ be-hijāb vo chāñd sā ki nazar kā koī asar na ho
use itnī garmī-e-shauq se baḌī der tak na takā karo

īmāñ kī numā.ish hai sajde haiñ ki afsāne
haiñ chāñd jabīnoñ par aur zehn meñ but-ḳhāne

gulāb cinema se pahle chāñd baaġh ke ba.ad
utar paḌūñgā jahāñ kārḳhāna aatā hai

udhar vo chāñd kī dhun meñ magan haiñ
udhar apnī ye be-bāl-o-parī hai

ye sūraj chāñd tāroñ kā zamāna
bas ik lamha jalā rakkhā hai us ne

chāñd kī chāñdnī bajā lekin
rañg us kā bhī saaf suthrā thā

apne diye ko chāñd batāne ke vāste
bastī kā har charāġh bujhānā paḌā hameñ

zamīñ pe apnā baserā to hai magar 'qaisar'
nigāheñ chāñd-sitāroñ pe Daale baiThe haiñ

chāñd kī dhīmī dhīmī chaap ubharte hī
saare sapne phuul pahan kar aate the