Tags-Chaand

chhalkā sā paḌ rahā hai 'vasī' vahshatoñ kā rañg
har chiiz pe zavāl hai aur chāñd-rāt hai

āñkhoñ meñ chubh ga.iiñ tirī yādoñ kī kirchiyāñ
kāñdhoñ pe ġham kī shaal hai aur chāñd-rāt hai

merī to por por meñ ḳhushbū sī bas ga.ī
us par tirā ḳhayāl hai aur chāñd-rāt hai

maiñ huuñ tirā ḳhayāl hai aur chāñd-rāt hai
dil dard se niDhāl hai aur chāñd-rāt hai

har ik kalī ne oḌh liyā mātamī libās
har phuul par malāl hai aur chāñd-rāt hai

campus kī nahr par hai tirā haath haath meñ
mausam bhī lā-zavāl hai aur chāñd-rāt hai

phir titliyāñ sī uḌne lagīñ dasht-e-ḳhvāb meñ
phir ḳhvāhish-e-visāl hai aur chāñd-rāt hai

jachtā nahīñ nigāh meñ koī hasīñ bhī 'hijr'
jab se kisī kī chāñd sī sūrat nazar meñ hai

ye bhī rahā hai kūcha-e-jānāñ meñ apnā rañg
aahaT huī to chāñd darīche meñ aa gayā

Thahre jo kahīñ aañkh tamāshā nazar aa.e
sūraj meñ dhuāñ chāñd meñ sahrā nazar aa.e

kiran meñ phir se badalne lagā ḳhayāl us kā
utar rahā hai na.e chāñd par jamāl us kā

raunaqeñ chāñd sitāroñ kī liye jaate haiñ
chāñdnī raat ko be-nūr kiye jaate haiñ

na shab ko chāñd hī achchhā na din ko mehr achchhā
ye ham pe biit rahī haiñ qayāmateñ kaisī

hāthoñ meñ mire chāñd bhī lagtā hai khilaunā
ḳhvāboñ meñ falak rañg samone ke liye huuñ

kyā suhānī thī ghaḌī kaisā suhānā mausam
chāñd tāroñ kī hasīñ raat zarā yaad karo

ghaTā diyā rutba har hasīñ kā miTā diyā rañg hūr-e-īñ kā
nahīñ hai ye chāñd chaudhvīñ kā shabāb kā mere mah-jabīñ kā

tumhīñ se rū-e-zamīñ mo.attar tumhīñ se sat.h-e-falak munavvar
tumhīñ to ho phuul yāsmīñ kā tumhīñ to ho chāñd chaudhvīñ kā

ik chāñd hai āvāra-o-betāb o falak-tāb
ik chāñd hai āsūdgī-e-hijr kā maarā

chāñd
qarīb aao baiTho mere paas

chāñd-tāroñ meñ zindagī kaaTī
aap ko yaad bhī rahī na rahī