Tags-Chehra

koī ummīd bar nahīñ aatī
koī sūrat nazar nahīñ aatī

terī sūrat jo maiñ dekhūñ to gumāñ hotā hai
to koī nazm hai jo vajd meñ aa.ī huī hai

'sād' kuchh bhī na bane gar tujh se
ek sūrat hai shakebā.ī bhī

chāñdnī haath pe rakh kar shab ne
ek sūrat mujhe dikhlā.ī bhī

is mulāqāt kā is baar koī vahm nahīñ
jis se ik aur mulāqāt kī sūrat nikle

ġhāyat-e-sūd-o-ziyāñ sūrat-e-āġhāz-o-ma.āl
vahī be-sūd-e-tajassus vahī bekār savāl

aaj bhī paayā hai un ko bad-mizāj
sūrat-e-hālāt abhī achchhī nahīñ

mere a.asāb pe chhātī hī chalī jaatī hai
koī sūrat mujhe bhātī hī chalī jaatī hai

diiñ se paidā kufr hai aur nuur shakl-e-nār hai
rishta jab sub.he se niklā sūrat-e-zunnār hai

ab merī soch saa.e kī sūrat hai us ke gird
maiñ bujh ke apne chāñd ko haale to de gayā

musalsal bekalī dil ko rahī hai
magar jiine kī sūrat to rahī hai

is bhare shahr meñ ab koī zuleḳhā hī nahīñ
ek chehra bhī nahīñ sūrat-e-jānāñ kī tarah

jo Thahr jaa.e to hai tausan-e-ḳhayāl koī
jo rau meñ ho to ye sūrat-gar-e-zamāna hai

tujh se qismat meñ mirī sūrat-e-qufl-e-abjad
thā likhā baat ke bante hī judā ho jaanā

apnī sūrat bhī na pahchān sakī aañkh mirī
muddatoñ ba.ad jo maiñ ne kabhī shīsha dekhā

zamāne ke sab ḳhūbsūrat nazāre
tumhārī hī āñkhoñ se ham dekhte haiñ

ik shakl hameñ phir bhaa.ī hai ik sūrat dil meñ samā.ī hai
ham aaj bahut sarshār sahī par aglā moḌ judā.ī hai

kyūñki 'nasīr' arbāb-e-suḳhan tahsīñ na kareñ sun kar ye ġhazal
jabki tum is sūrat se bāñdho kaan kā baalā zulf kā halqa

'munīr' sub.h ke Dhalte hī lau lagī chalne
azaab surat-e-bād-e-sahar bhī aatā hai

judā.iyoñ meñ faqat ghar se dūriyāñ to nahīñ
firāq sūrat-e-dīvār-o-dar bhī aatā hai