Tags-Chehra

safar meñ har qadam rah rah ke ye taklīf hī dete
bahar-sūrat hameñ in ābloñ ko phoḌ denā thā

vo mujh se duur thā barsoñ se lekin
nazar se duur vo sūrat kahāñ thī

chāñd meñ kaise nazar aa.e tirī sūrat mujhe
āñdhiyoñ se āsmāñ kā rañg mailā ho gayā

dekh lo ai gul-ruḳho murġhān-e-dil pāband haiñ
baal ke phañde kī sūrat haiñ tumhārī chūḌiyāñ

vo maah chhupāyā tū ne kahāñ hai jis se jigar par daaġh mire
sūrat to dikhā de mujh ko zarā jaldī se falak phir vaisī hī

ḳhizāñ kī zard sī rañgat badal bhī saktī hai
bahār aane kī sūrat nikal bhī saktī hai

āñkheñ haiñ ḳhushk sūrat-e-sahrā-e-be-giyāh
siina hujūm-e-ashk se giryāñ hai in dinoñ

nābūd ke surāġh kī sūrat nikāliye
maujūd kī numūd o numā.ish fuzūl hai

maiñ parvarda tīra-baḳhtī kā
mere ghar to raat kī sūrat aa

shāḳh-e-yaqīñ kī be-samarī aur maiñ
bār-āvar shub.hāt kī sūrat aa

suukh chale haiñ āñgan ke paude
be-mausam barsāt kī sūrat aa

raas aa.e mujh ko ujiyāle kab
mub.ham imkānāt kī sūrat aa

iqrā kī sauġhāt kī sūrat aa
hoñToñ par āyāt kī sūrat aa

fikr ke tīra-ḳhāne raushan kar
lau dete jazbāt kī sūrat aa

maiñ apnī tahdīd meñ huuñ mashġhūl
aa tausī-e-zāt kī sūrat aa

zehn meñ sochoñ kā sūraj barf kī sūrat na rakh
kohr ke dīvār-o-dar par dhuup kā ġhāza lagā

vo qubūl-sūrat sī
sāñvlī bhalī aurat

vo qubūl-sūrat sī
sāñvlī bhalī aurat

merī sairābī bhī merī tishnagī se kam na thī
maiñ misāl-e-abr aayā sūrat-e-sahrā gayā

be-ḳhud ho jā merī sūrat
ai suufī ye hālat kaisī