Tags-Chehra

Hyderabad dil kī sūrat hai
dil dhaḌaktā hai saañs chaltī hai

mere ā.īne meñ ḳhud mere sivā
koī sūrat nazar aa.ī thī kabhī

tire jahāñ meñ huuñ be-sāya abr kī sūrat
mire nasīb meñ be-abr bārisheñ likhnā

kab se na jaane galiyoñ galiyoñ saa.e kī sūrat phirte haiñ
kis se dil kī baat kareñ ham shahr hai us har jaa.ī kā

vo maut kā manzar jo thā din raat vahī hai
muñh se na kaho sūrat-e-hālāt vahī hai

manzileñ baḌhne lagīñ ḳhud hī musāfir kī taraf
rāsta sūrat-e-dīvār bhī ho jaa.e to kyā

mire badan kī ragoñ meñ sharāb kī sūrat
jo sar paTaktā guzartā hai jū-ba-jū kyā hai

us kī sūrat ko phir koī dekhe
jis se vo be-ruḳhī se milte haiñ

jachtā nahīñ nigāh meñ koī hasīñ bhī 'hijr'
jab se kisī kī chāñd sī sūrat nazar meñ hai

kahāñ tak sūrat-e-imkāñ nikālūñ
agar har baar mehnat rā.egāñ ho

jam gayā hai barf kī sūrat mirā saarā badan
duur mujh se duur sūraj āñ-jahānī rah gayā

kyuuñ rahm vo zālim karne lagā kyuuñ maut yahāñ tak aane lagī
ulfat se mirī sūrat se mirī bezār huī bezār huā

gayā hai shāḳh se vo is liye ki shāḳh rahe
huā to biij kī sūrat huā zavāl us kā

is ma.īshat ke saa.e meñ hamdam
achchhī sūrat hai vo bhī jiine kī

har ḳham-e-jādā khulā sūrat-e-gesū kaisā
har ḳhat-e-sañg meñ kyā tujh ko nazar aayā hai

sitāra ḳhush-gumānī kā sajāyā hai hathelī par
kisī sūrat hameñ to apne dil ko shaad karnā hai

sūrat-e-sabza ārzū-e-visāl
sar-kashīda bhī pā.emāl bhī hai

kyā khaḌā taktā hai sūrat ahd-e-hāzir ke javāñ
haañ miTā de dushman-e-insāf kā nām-o-nishāñ

hiddat-e-shauq salāmat hai to zanjīr-e-jafā
sūrat-e-sham.a kisī roz pighal jā.egī

ham-nashīñ raat hai to raat bhī Dhal jā.egī
sub.h-dam sūrat-e-hālāt badal jā.egī