Tags-Chehra

hasīn taaj kī sūrat ye be-sadā patthar
dikhā rahe haiñ mohabbat kā mo.ajiza patthar

misāl-e-sub.h-e-bahār tū hai to maiñ huuñ shām-e-ḳhizāñ kī sūrat
chaman chaman ḳhār-o-ḳhas se mere faroġh hai tere rañg-o-bū kā

jo dekh le us kī sūrat insān agar ho kāfir to laa.e īmāñ
jamāl kyā hai but-e-hasīñ kā kamāl hai sūrat-āfrīñ kā

haal tum sun lo mirā dekh lo sūrat merī
dard vo chiiz nahīñ hai ki dikhā.e koī

tire kūche meñ ab gardish kī sūrat paḌtī jaatī hai
zamīñ kī chaal daur-e-āsmānī hotī jaatī hai

vaqt ne dastār kī sūrat badal dī
ab to ye ehrām ho kar rah ga.ī hai

aadmī be-his-o-mas maiñ sūrat-e-mardum giyāh
shahr meñ huuñ maiñ ilāhī yā kisī jañgal meñ huuñ

saath meñ aġhyār ke maiñ bhī saf-e-maqtal meñ huuñ
sūrat-e-tarkīb-e-mauzūñ misra-e-mohmal meñ huuñ

vahdat-e-sūrat-o-ma.anī ko samajh ai vaa.iz
husn-e-yazdāñ kā tasavvur ruḳh-e-ādam se milā

adam se jis tarah tanhā chalā aayā thā phir vaañ ko
munāsib hai isī sūrat se sūrat chhoḌ jaañ le jā

zulm añdhere kā to sūrat mirī ta.amīr kī hai
raushnī kā sitam ījād kiyā hai maiñ ne

hairāñ haiñ dekh terī sūrat ko yaañ talak ham
tasvīr-sāñ ai pyāre maare nahīñ palak ham

fazā meñ gard ke zarroñ kī sūrat ham muallaq haiñ
na uḌne kī tamannā kī na farsh-e-ḳhāk par baiThe

jaane vaale ko kabhī bhī lauT kar aanā nahīñ
lauT aane kī bahar-sūrat ḳhabar baaqī rahe

hai barham phir mizāj un kā dil-e-nākām kyā hogā
yahī sūrat rahī to ishq kā anjām kyā hogā

ḳhalish dil meñ jigar meñ dard lab par mohr-e-ḳhāmoshī
ye sūrat hai to phir mujh ko bhalā ārām kyā hogā

sajde karte haiñ ḳhum-e-mai ko vufūr-e-nashshā meñ
sūrat mīnā-e-mai maddāh shān-e-mai-farosh

dil kī sūrat kā ik pattā
terī hathelī par rakkhā thā

ab kisī ḳhvāb kī ta.abīr nahīñ chāhtā maiñ
koī sūrat pas-e-tasvīr nahīñ chāhtā maiñ

sūrat hai vo aisī ki bhulā.ī nahīñ jaatī
rūdād-e-ġham-e-hijr sunā.ī nahīñ jaatī