Tags-Chehra

ā.īne meñ jur.at ho to
aks bhī sūrat pā saktā hai

ḳhudā na dikhlā.e achchhī sūrat abhī to aa jaatī hai harārat
paḌegī be-shak nigāh-e-ulfat za.iif go maiñ huuñ dil javāñ hai

niiñd kī sūrat nahīñ dekhā ba-juz dāġh-e-jigar
parda merī aañkh meñ shāyad ki hai kam-ḳhvāb kā

jal ga.e sūrat-e-parvāna tab ishq se ham
pheñk de laash uThā kar koī madfan kaisā

me.arāj-e-aqīdat hai ki ta.avīz kī sūrat
baazū pe koī ḳhāk-e-vatan bāñdhe hue hai

nahīñ sūrat-pazīr naqsh us kā
yuuñ hī tasdīq khīñche hai bahzād

kyā karishma hai mire jazba-e-āzādī kā
thī jo dīvār kabhī ab hai vo dar kī sūrat

un kī sūrat ajab hai sho.abada-bāz
duur rah kar bhī paas rahtī hai

un se milne kī go nahīñ sūrat
un se milne kī aas rahtī hai

Dar ye hai bāzuoñ meñ mom kī sūrat na pighal jaa.e kahīñ
tū mire saath mire jism ke dozaḳh meñ na jal jaa.e kahīñ

but-ḳhāne se dil apne uThā.e na ga.e
ka.abe kī taraf mizāj laa.e na ga.e

koī sūrat bhī nahīñ miltī kisī sūrat meñ
kūza-gar kaisā karishma tire is chaak meñ hai

zarre zarre meñ hai tirī sūrat
ham se apnī shabāhateñ mat pūchh

us ke jaate hī ye kyā ho ga.ī ghar kī sūrat
na vo dīvār kī sūrat hai na dar kī sūrat

sunā hai ye zamīñ uḌtī phiregī ruuī kī sūrat
tamāshā karne vaalā hī tamāshā dekhtā hogā

bast-e-zulf-e-musalsal hai ye dil sūrat-garo
donoñ jānib us ke do zanjīr khīñchā chāhiye

hujūm-e-rañj-o-ġham ne is qadar mujh ko rulāyā hai
ki ab rāhat kī sūrat mujh se pahchānī nahīñ jaatī

bas ek ḳhaak kā ehsān hai ki ḳhair se haiñ
vagarna sūrat-e-ḳhāshāk dar-ba-dar rahte

pahlī baar sunā.ī dī hai dil ke dhaḌakne kī āvāz
dekh ke terī bholī sūrat dil machlā hai pahlī baar

dariyā meñ haiñ girdāb kināre pe bagūle
ārām kī sūrat na idhar hai na udhar hai