Tags-Chehra

kahānī mohabbat kī kuchh bhī nahīñ
banātī hai is ko vafā ḳhūbsūrat

ghaḌī do ghaḌī hī jalā hai diyā
haañ lekin jalā hai diyā ḳhūbsūrat

ye duniyā banā.ī hai kyā ḳhūbsūrat
ki ḳhud hogā kitnā ḳhudā ḳhūbsūrat

paḌī jo nazar chāñd par daf.atan
mire lab pe aa.ī duā ḳhūbsūrat

chalī hai ye kaisī havā ḳhūbsūrat
ki dil kā ye mausam huā ḳhūbsūrat

vo aa.eñ to bīmār achchhā bhī ho
maraz ḳhūbsūrat davā ḳhūbsūrat

kis kī taraf ye nazar uTh ga.ī
ye kis kā hai chehra nayā ḳhūbsūrat

zarra havā meñ bhar ke banā aadmī kī shakl
qatra havā meñ bhar ke hai sūrat habāb kī

merī ġhamgīn o zard sūrat ko
dekh lete haiñ jab kabhī ahbāb

kiye pe apne tū pachhtā.egā ba-har-sūrat
kharā kasauTī pe jab be-qusūr utregā

qalam un par uThānā chāhtā thā maiñ ba-har-sūrat
mire chāroñ taraf bikhre hue unvān the lekin

bāġh-e-ālam meñ usī ke liye hai nashv-o-numā
sūrat-e-ġhuncha rahe gāñTh meñ jo zar bāñdhe

aslī sūrat sachchā aks
dekhe kaun dikhā.e kaun

paa.ī hai tum ne chāñd sī sūrat
āsmānī rahe naqāb kā rañg

sho.aloñ kī tarah haiñ kabhī shabnam kī tarah
haiñ zaḳhmoñ kī sūrat kabhī marham kī tarah

vasl ke pal bhī bujhī raakh kī sūrat Thahre
sard-mehrī se kiye ek ishāre kī tarah

mere ḳhāl-o-ḳhad ko sūrat kā faroġh dene vaalo
kisī naqsh meñ dikhāo mirā zaḳhm-e-sholā-rū bhī

ab to yaad aatā nahīñ kaisā thā apnā rañg-rūp
phir mirī sūrat dikhā de zindagī ai zindagī!

pattharoñ meñ kahīñ to hai vo sūrat
jo ahl-e-hunar nikālte haiñ

aaj maiñ ā.īne meñ apnī sūrat tak pahchān na paayā
soch rahā huuñ mujh se ziyāda kaun is shahr meñ tanhā hogā