Tags-Chehra

aao to zarā baaġh meñ mil kar unheñ dekheñ
aa.e haiñ parinde yahāñ mehmān kī sūrat

is kī sūrat jo chāho badal jā.egī jaise sāñche meñ Dhāloge Dhal jā.egī
koī sāñcha yahāñ harf-e-āḳhir nahīñ zindagī to hamesha badaltī rahī

apne ġham ko hamesha bhulāyā kiye kasrat-e-kār meñ sair-e-bāzār meñ
al-ġharaz kasmapursī ke aalam meñ bhī zinda rahne kī sūrat nikaltī rahī

ga.e-guzre dinoñ kī dhuul ab āñkhoñ se dho Daalo
koī sūrat kahīñ se rūnumā hone hī vaalī hai

dhīmā dhīmā sā nuur jaise tah-e-sāz
baḌhtā jaatā hai chhaTke tāroñ kā gudāz

añdherī raat meñ āñkhoñ meñ ḳhvāb kī sūrat
kabhī kabhī nazar aa.ī udaas tanhā.ī

vo dil-jalā thā maiñ ki tirī sham-e-husn par
jal kar nisār sūrat-e-parvāna ho gayā

chilman kā ulaT jaanā zāhir kā bahāna hai
un ko to bahar-sūrat ik jalva dikhā jaanā

peḌ kī sūrat khaḌā rahtā hai merī mauj kī sarhad ke paas
mere sar par dhuup ke neze chamakte dekhtā rahtā hai vo

sūrat-e-mahtāb rahtā hai mire sar par safar ke saath saath
mujh ko sahrā kī udāsī meñ bhaTakte rahtā hai vo

ġhazab hai dekhne meñ achchhī sūrat aa hī jaatī hai
nahīñ roke se dil ruktā tabī.at aa hī jaatī hai

ḳhudā sūrat na dikhlā.e mujhe ātish-izāroñ kī
hazār un se hai dil ThanDā harārat aa hī jaatī hai

kashīda sar se tavaqqo.a abas jhukāv kī thī
bigaḌ gayā huuñ ki sūrat yahī banāv kī thī

aa.ine meñ hai faqat aap kā aks
aa.ina aap kī sūrat to nahīñ

maiñ dafan rahūñ ab yūñhī resham ke kafan meñ
ab is ke sivā aur to sūrat bhī nahīñ hai

hai aañkh ufuq pe barf kī sūrat jamī huī
shab hogī kab sahar kā nishāna kahā na jaa.e

gila inkār kā us se karūñ kyā
koī to sūrat-e-inkār hogī

sūrat-e-ashk-e-nadāmat hī sahī ai 'shahpar'
merī āñkhoñ se kabhī us ko guzarnā paḌ jaa.e

tasavvur terī sūrat kā mujhe har shab satātā hai
kabhū paas aa.e hai mere kabhū phir bhaag jaatā hai

apnī sūrat bhī kab apnī lagtī hai
ā.īnoñ meñ ḳhud ko dekhā kartā huuñ