Tags-Chehra

qayām apnā us kūcha meñ pā-bigul hai
mile ḳhaak meñ ham to paanī kī sūrat

Duboyā mujhe aab meñ sharm se vo
khaḌe haiñ mire sar pe paanī kī sūrat

mujhe dekho aur us ke va.ade pe jiinā
ye hai zinda-e-jāvedānī kī sūrat

zabāñ par hai qāsid kī apnī rasā.ī
huā huuñ payām zabānī kī sūrat

nazar aa.e kyā mujh se faanī kī sūrat
ki pinhāñ huuñ dard-e-nihānī kī sūrat

jo naqsh-e-fanā hoñ to vo dil pe 'anvar'
khiñchī aur ik bad-gumānī kī sūrat

hamāre gale par to chaltī dikhāo
kahāñ teġh meñ hai ravānī kī sūrat

jo pūchho to us chashm kā dekhnā hai
vo hai gardish āsmānī kī sūrat

na ho rashk to kījiye vahāñ mad.h-e-dushman
ki hai yaar kī rāz-dānī kī sūrat

ḳhalq meñ terā ham-jamāl kahāñ
DhūñDhiye sūrat-e-misāl kahāñ

ek duā kī sūrat tum ko chāhā thā
aur is meñ tāsīr banānā bhuul ga.e

koī mujh ko daur-e-zamān-o-makāñ se nikalne kī sūrat batā do
koī ye sujhā do ki hāsil hai kyā hastī-e-rā.egāñ se

zaḳhm kī sūrat nazar aate haiñ chehroñ ke nuqūsh
ham ne ā.īnoñ ko tahzīboñ kā maqtal kar diyā

dasht meñ aayā nahīñ nāqa-e-mahmil-bar-dosh
naqsh kuchh sūrat-e-naqsh-e-kaf-e-pā ho bhī chuke

kufr kyā taslīs kyā ilhād kyā islām kyā
tū bahar-sūrat kisī zanjīr meñ jakḌā huā

TuuTā hai abhī tak na hī TūTegā kabhī bhī
rakhtī huuñ tujhe saath maiñ ik maan kī sūrat

likhtī huuñ har ik baat guzartī hai jo dil pe
ban jā.egī ik roz ye dīvān kī sūrat

ik ahd kī sūrat hai ki paimān kī sūrat
tū dil meñ basā rahtā hai īmān kī sūrat

ai chāragaro aao mere sāmne aao
dekho to zarā be-sar-o-sāmān kī sūrat

aao to zarā baaġh meñ mil kar unheñ dekheñ
aa.e haiñ parinde yahāñ mehmān kī sūrat