Tags-Chehra

sharm bejā hai burā karte ho
achchhī sūrat ko chhupāyā na karo

koī jalva koī manzar mujh ko bhātā hī nahīñ
chāñd kī sūrat bhī hai be-nūr sī tere baġhair

vaqt-e-āḳhir khulā hai ye uqda
bholī sūrat bhī be-zarar na huī

nikal sakī na koī aur sūrat-e-tasvīr
bahā.e ashk bahut chashm-e-tar banāte hue

kyuuñ kar añgiyā meñ na ho sūrat-e-jauzā paidā
gore gore tire pistāñ haiñ ki mah-pāre haiñ

bane vo baat ki ahl-e-vafā ke din phir jaa.eñ
mizāj-e-yār kī sūrat badal chale duniyā

insān to hai sūrat-e-haq ka.abe meñ kyā hai
ai shaiḳh bhalā kyuuñ na karūñ sajde butāñ ko

ḳhud-farebī to alag baat hai varna ham ne
apnī sūrat kahāñ ā.īne meñ pahchānī thī

ḳhaak un galiyoñ kī palkoñ se bahut chhānī thī
phir bhī sūrat mirī is shahar meñ an-jānī thī

kaash aisī bhī koī saa.at ho
rū-ba-rū aap hī kī sūrat ho

aañkh mānūs-e-tamāshā nahīñ hone paatī
kaisī sūrat hai ki har roz na.ī lagtī hai

ab aur is ke sivā na hogī qafas meñ taskīn-e-dil kī sūrat
chaman kī jānib nazar uThā kar kabhī kabhī hañs liyā kareñge

is qadar mahv rahe hirs-o-havā meñ 'rāsiḳh'
ab to sūrat se gunahgār nazar aate haiñ

abr aate haiñ jo furqat meñ tirī ai saaqī
sūrat-e-dīda-e-ḳhūñbār nazar aate haiñ

dast-e-qudrat ne banā.ī hai vo sūrat terī
jis ke kaunain ḳharīdār nazar aate haiñ

adhūrā hai abhī zauq-e-tamāshā-e-jamāl apnā
koī sūrat sar-e-shahr-e-vafā achchhī nahīñ lagtī

āñkhoñ ke iztirāb se aise jhaḌe haiñ ḳhvāb
shab ke shajar pe niiñd kī sūrat paḌe haiñ ḳhvāb

jānī-pahchānī sūrat ko ab to āñkheñ tarseñgī
na.e shahr meñ jīvan-devī nayā ruup bhar laa.ī hai

sub.h-savere kaun sī sūrat phulvārī meñ aa.ī hai
Daalī Daalī jhuum uThī hai kalī kalī lahrā.ī hai

jo rut bhī aa.e hamīñ se girya kā rizq māñge
hamārī sūrat kise zamīñ intiḳhāb dekhā