Tags-Chehra

mirī laash ko paañv se ḳhuub rauñdā
thame sūrat-e-āsmāñ chalte chalte

bahut hī ḳhūbsūrat zindagī hai
magar āsāñ basar karnā nahīñ hai

aadmī ke aa.ine meñ dekh kar
apnī sūrat se ḳhudā sharmā gayā

bāl-o-par bhī ga.e bahār ke saath
ab to sūrat nahīñ rihā.ī kī

ḳhat ke aane pe bhī mukaddar hai
sūrat ab kaun sī safā.ī kī

bahut lambe safar kī gard chehroñ par paḌī thī
kisī ne dasht meñ sūrat na pahchānī hamārī

bhar nazar dekheñge us ahd-shikan kī sūrat
dekhiye kaun sā yā-rab vo zamānā hogā

koī shaam aa rahī hai:
koī ḳhushnumā sitāra jo falak pe hañs rahā hai kisī mah-jabīñ kī sūrat

ham apne jism meñ bikhre hue haiñ ret kī sūrat
sameTeñgī kahāñ tak zindagī kī muTThiyāñ ham ko

dhuup meñ jalte rahe haiñ sarv kī sūrat magar
ye ġhazab hai chāñd par phir bhī nazar karne lage

mujhe ḳhabar nahīñ ġham kyā hai aur ḳhushī kyā hai
ye zindagī kī hai sūrat to zindagī kyā hai

jis din se gayā vo jān-e-ġhazal har misre kī sūrat bigḌī
har lafz pareshāñ dikhtā hai, is darja varaq namnāk huā

mujhe saat chehroñ kī sūrat milī thī
tazabzub meñ har ik mujhe dekhtā thā

apne jauhar se sivā bhī koī qīmat māñge
dil vo ā.īna nahīñ hai ki jo sūrat māñge

Takrā ke siyāhī se palaT jaatī hai sūrat
'shāhid' dil-e-ā.īna meñ dīvār sī kyā hai

jiyūñ sūrat-e-dīvār huā mahv-e-tamannā
mushtāq tirā hai dil-e-hairān hamārā

uThā.e phirtā thā jis ko salīb kī sūrat
vahī vajūd to ḳhud us kī zinda laash bhī thā

yakāyak vo marīz-e-ġham kī sūrat kā badal jaanā
vo ro denā kisī nā-mehrbāñ kā mehrbāñ ho kar

aap ko apnī aarsī ke sivā
achchhī sūrat nazar nahīñ aatī

koī sūrat nahīñ hai zindagī se bach nikalne kī
ġham-o-ālām ke māroñ ko bhī marne nahīñ detī